
Flest spjót beinast nú að Snorra Mássyni, varaformanni Miðflokksins sem gagnrýndi í gær regnbogafánanotkun grunnskóla landsins.
Fjölmargir þjóðþekktir einstaklingar hafa gagnrýnt þingmanninn en einn gagnrýnandanna, María Rut Kristinsdóttir, þingkona Viðreisnar og fyrrverandi varaformaður Samtakanna 78, birti nokkuð kaldhæðna ljósmynd af Snorra á Instagram-reikningi sínum.
Á myndinni má sjá Maríu Rut og Snorra stilla sér upp við regnbogalitaða götu á blautu kvöldi. Við færsluna skrifar hún:
„Að gefnu tilefni:
Ofsabeita (e. ragebaiting): Lýsir því þegar einhver setur viljandi fram ögrandi, pirrandi eða ósanngjörn ummæli til þess að vekja reiði, fá viðbrögð og auka umtal (t.d. á samfélagsmiðlum).
Mynd fyrir athygli“
Hér má svo sjá myndina vandræðalegu.

Komment