Matvælastofnun varar neytendur við neyslu á tiltekinni framleiðslulotu af sushi-grjónum frá Sunclad vegna mögulegrar mengunar af lífrænum leysiefnum, svokölluðum MOAH-efnum.

Varan hefur verið innkölluð í samráði við heilbrigðiseftirlit sveitarfélaga á höfuðborgarsvæðinu og Fiska.is auk Dai Phat sem flytja vöruna inn.

Tilkynningin barst til Íslands í gegnum evrópska hraðviðvörunarkerfið RASFF sem heldur utan um hættuleg matvæli og fóður á markaði.

Aðeins er verið að innkalla eina framleiðslulotu hér á landi:

• Vörumerki: Sunclad
• Vöruheiti: Shinode premium sushi rice 1kg
• Best fyrir: 23.12.27
• Nettómagn: 1 kg
• Framleiðsluland: Ítalía

Matvælastofnun hvetur viðskiptavini sem eiga vöruna til að neyta hennar ekki.

Þeim er bent á að annað hvort farga vörunni eða skila henni til Fiska.is á Nýbýlavegi 6 í Kópavogur eða til Dai Phat í Faxafeni 14 í Reykjavík.