Lögreglan á höfuðborgarsvæðinu bókaði 87 mál frá klukkan 17:00 í gær til klukkan 05:00 í morgun og gista 10 fangageymslur eftir nóttina. Hér má sjá nokkur dæmi um verkefni lögreglunnar.
Lögregla sem annast útköll í Austur og Vesturbæ Reykjavíkur, miðborginni og á Seltjarnarnesi, stöðvaði ökumann sem var grunaður um akstur undir áhrifum fíkniefna. Reyndist hann einnig vera með fíkniefni meðferðis og á fjórum nagladekkjum. Var hann laus að sýnatöku lokinni.
Sama lögregla handtók aðila sem var að fara inn í bifreiðar en hann var vistaður í fangageymslu í þágu rannsóknar málsins.
Þá voru tveir ökumenn bifreiðar handteknir fyrir ölvun við akstur en hvorugur þeirra kannaðist við að hafa ekið bifreiðinni sem þeir voru við. Hafði bifreiðinni verið ekið á eitthvað og var mikið tjónuð.
Lögreglan stöðvaði einnig ökumann í akstri en tilkynnendur höfðu ekið á eftir honum þar sem bílnum var ekið margoft á vegrið, steypa veggi og annað sem á vegi hans varð. Var ökumaður handtekinn og vistaður í fangaklefa í þágu rannsóknar málsins.
Hér er það helsta úr dagbók lögreglu frá klukkan 17:00 til klukkan 05:00. Þegar þetta er ritað gista 10 í fangageymslu lögreglu. Alls eru 87 mál bókuð í kerfum lögreglu á tímabilinu. Listinn er ekki tæmandi.
Lögreglan sem starfar í Kópavogi og í Breiðholti, stöðvaði ökumann sem hún grunaði um akstur undir áhrifum fíkniefna og áfengiss. Þá kom einnig í ljós að hann var sviptur ökuréttindum. Var hann laus að lokinni sýnatöku.
Lögreglan sem fer í útköll í Grafarvogi, Mosfellsbæ og Árbæ var kölluð til vegna tilkynningar um að ekið hafi verið á gangangi vegfaranda og að gerandinn hafi ekið af vettvangi. Stuttu síðar sáust tveir einstaklingar hlaupa frá bifreið í austurbæ Reykjavíkur og kom í ljós að um væri að ræða ökumenn bifreiðarinnar sem lögreglan leitaði að. Voru þeir báðir handteknir og fluttir á lögreglustöð þar sem þeir voru vistaðir vegna málsins.
