Reynir Bergmann Reynisson, athafnamaður og snappari, og Sólveig Ýr Sigurjónsdóttir Saithong, naglafræðingur og hárgreiðslukona, gerðu með sér kaupmála þegar þau giftu sig í apríl.
Greint er frá þessu í Lögbirtingablaðinu.
Reynir hefur lengi verið vinsæll á samfélagsmiðlum og átti einnig veitingastaðinn Vefjuna með Sólveigu. Vefjan var nokkuð vinsæll staður en árið 2021 sniðgekk stór hópur fólks Vefjuna eftir niðrandi ummæli Reynis um vændiskonur í tengslum við mál Sölva Tryggvasonar. Vefjan var svo seld árið 2023.
Þau hafa verið saman síðan árið 2010, trúlofuðu sig í byrjun árs 2019 og eiga þrjár dætur saman.
Hvað er kaupmáli?
Allar eignir hjóna kallast annað hvort hjúskapareignir eða séreignir.
Hjúskapareignir koma almennt til helmingaskipta milli hjóna við skilnað eða andlát, en það gera séreignir hvort aðilans um sig hins vegar ekki.
Kaupmáli er samningur sem hjón eða hjónaefni geta gert sína á milli og er tilgangurinn oftast sá að gera eign að séreign annars hjóna.
Hægt er að taka fram í kaupmála að séreignir eigi til dæmis að hlíta reglum um hjúskapareign að öðru hjóna látnu eða ef hjón eignast barn saman.
Verðmæti sem koma í stað séreignar til dæmis við sölu hennar, verða einnig séreign nema annars sé getið í kaupmála.
Kaupmáli hefur ekki áhrif á möguleika skuldheimtumanna til fullnustu krafna. Skuldheimtumenn annars hjóna geta aldrei gengið að eignum hins, hvorki séreignum né hjúskapareignum.
Ákvæðum kaupmála er hægt að breyta eða fella niður með nýjum kaupmála.
Komment