Umræða um meinta hryðjuverkamenn á Íslandi hefur verið í sviðljósinu undanfarna mánuði og er hluti af þeirri umræðu viðtal sem Brotkast birti við Sigurlín Guðmundsdóttur en í viðtalinu ræddi hún um fyrrverandi eiginmann sinn og sagði frá því að hann væri hluti af Hamas-samtökunum.
Í viðtalinu heldur hún því einnig fram að á Íslandi búi hópur af Hamas-liðum. Þá greinir hún sömuleiðis frá því að hann hafi gert lögreglunni á Íslandi viðvart en ekkert hafi verið gert að öðru leyti en að lögreglumaður hafi hringt í hana eftir að hún tilkynnti málið til að athuga hvort það væri allt í lagi með hana.
Mannlíf hafði samband við embætti Ríkislögreglustjóra til að að spyrja um fullyrðingar Sigurlínar
Kannast embættið við að þessar fullyrðingar og ef svo, hvað er eitthvað til í þeim?
„Embætti ríkislögreglustjóra getur ekki svarað fyrir mál einstakra umdæma,“ sagði í svari embættisins.
Veit embættið til þess að Hamas-liðar séu á Íslandi eins og Sigurlín fullyrðir?
„Í skýrslu greiningardeildar um hryðjuverkaógnir 2025 kemur m.a. fram: þekkt eru tilfelli þess á undanförnum árum að upplýsingar hafa borist íslensku lögreglunni þess efnis að í landinu séu staddir erlendir einstaklingar með tengsl við hryðjuverkasamtök. Þá hefur það gerst að erlendir einstaklingar hér á landi hafa lýst sig fylgismenn hryðjuverkasamtaka íslamista.
Þá kemur jafnframt fram í skýrslu greiningardeildar um Innra öryggi Íslands 2026 að talsverðar breytingar hafi orðið á íslensku samfélagi undanfarin ár. Þessar breytingar komi meðal annars fram í því að tilkynningum til lögreglu sem varða trúarlega öfgahyggju hafi fjölgað. Að mati GRD gefi það til kynna að slík viðhorf og hugmyndir hafi í auknum mæli náð fótfestu hér á landi,“ sagði í svarinu og var vísað í sama svar þegar spurt var hvort hægt væri að fullyrða ekki neinar Hamas-liðar væru staddir á Íslandi
Hver eru næstu skref embættisins í þessu máli í ljósi þessara fullyrðinga?
„Embætti ríkislögreglustjóra fylgist grannt með þróun mála hér á landi,“ sagði í svarinu.
