Dóra Björt Guðjónsdóttir, fyrrverandi borgarfulltrúi Samfylkingarinnar, gagnrýnir nýjan meirihluta í borgarstjórn Reykjavíkur harðlega í færslu þar sem hún fjallar um væntanlega valdatíð Hildar Björnsdóttur sem borgarstjóra og fyrirhuguð hlutverkaskipti innan meirihlutans.

Í færslunni óskar Dóra Birni Hildi til hamingju með embættið og segir mikilvægt að vel takist til við stjórnun borgarinnar og mótun hins byggða umhverfis til framtíðar. „Það er gott að sjá að hún velur frjálslyndi og mannréttindavernd umfram fordóma og mannvonsku,“ skrifar Dóra meðal annars.

Egó spilar inn í

Samhliða því beinir hún spjótum sínum að nýjum meirihluta Sjálfstæðisflokks, Framsóknarflokks og Viðreisnar og segir yfirlýsingar um stöðugleika og festu stangast á við fyrirhuguð embættaskipti á kjörtímabilinu. Þar vísar hún sérstaklega til Einars Þorsteinssonar, sem hún segir áður hafa átt þátt í því að sprengja fyrri meirihluta.

Dóra bendir á að samkvæmt nýju samstarfi eigi aftur að verða breytingar á helstu embættum borgarinnar síðar á kjörtímabilinu. Að hennar mati sýni það að loforð um að persónuleg metnaðarmál og „egó“ myndu ekki hafa áhrif á stjórn borgarinnar hafi þegar verið svikin.