María Lilja Ingveldar-Þrastardóttir Kemp, fjölmiðlakona á Samstöðinni, segir hina níu ára þýsku stúlku, sem drukknaði í Reynisfjöru í gær, vera fórnarlamb markaðsaflanna.

Óhætt er að segja að banaslys sem varð í gær í Reynisfjöru, þar sem níu ára gömul þýsk stúlka drukknaði eftir að óvægar öldurnar drógu hana út í sjó, hafi skekið samfélagið en þetta er í sjötta sinn sem ferðamaður lætur lífið í þessari fjöru, á öldinni.

Fjölmiðlakonan og aðgerðarsinninn María Lilja skrifaði í dag harðorða Facebook-færslu þar sem hún talar um banaslysið. Segir hún að andlátið sé „þessu ógeðslega, rotna, lasna samfélagi“, um að kenna, „þar sem peningar skipta miklu meira máli en fólk.“

„Lítil stúlka dó í Reynisfjöru.

Business as usual.

Þetta unga saklausa fórnarlamb markaðsaflanna (ekki náttúruafla) var níu ára. Hún dó og það er hræðilegt en líka okkur að kenna í þessu ógeðslega rotna lasna samfélagi þar sem peningar skipta miklu meira máli en fólk.“

Þannig hefst færsla Maríu Lilju. Segir hún því næst að í samfélaginu er ríkum einstaklingum og fyrirtækjum leyft að „slá eign sinni á náttúruna og landsvæði“ og „áframselja sem neysluvöru í ótrykkum skemmtipökkum, án ábyrgðar.“

„Samfélag þar sem auðugum einstaklingum og fyrirtækjum er gert kleift að "kaupa" - slá eign sinni á náttúruna, landsvæði, gjafir jarðar og áframselja sem neysluvöru í ótryggum söluvænum skemmtipökkum langt umfram öll þolmörk, án nokkurar ábyrgðar. Óheft aðgengi að fegurð og kyrrð í náttúru Íslands heyrir sögunni til. Eftir stendur niðurhólfaður afgirtur skemmtigarður fyrir ferðamenn sem borguðu fullt verð inn og fá eftirlitslaus, illa undirbúin að prufa öll "tækin".“

Lokasetning Maríu Lilju eru sterk.

„Lítil stúlka dó í Reynisfjöru á meðan landeigendur tóku greiðslu af pabba hennar fyrir bílastæðið.

Business as usual.“