Lögreglan á höfuðborgarsvæðinu sinnti fjölbreyttum verkefnum í dag, meðal annars vegna ósættis, þjófnaða, fíkniefnaneyslu og umferðaróhapps.

Aðili sem olli leiðindum á heilsugæslustöð í hverfi 105 var vísað út af lögreglu. Þá var lögregla einnig kölluð til vegna ósættis milli aðila í sama hverfi og var málið afgreitt á vettvangi.

Tilkynningar bárust um þjófnaði úr nokkrum verslunum og eru þau mál til meðferðar hjá lögreglu.

Í Laugardalnum varð lögregla vör við aðila sem gekk um með umferðarskilti. Viðkomandi var gert að koma skiltinu aftur á sinn stað.

Lögregla hafði einnig afskipti af einstaklingi í mjög annarlegu ástandi í miðbæ Reykjavíkur vegna gruns um fíkniefnaneyslu.

Tilkynnt var um hóp unglinga á þaki Listaskólans og var málið tekið til skoðunar.

Þá var lögregla kölluð að fyrirtæki í þar sem tilkynnt var um sprautufíkla í kjallara hússins. Viðkomandi einstaklingum var vísað á brott af lögreglu.

Að lokum var tilkynnt um umferðaróhapp í Kópavogi. Engin slys urðu á fólki samkvæmt upplýsingum frá lögreglu.