Verðmunur á einstökum matvörum meiri en tvöfaldur

Nýr sam­an­burður Verð­lags­eft­ir­lits ASÍ á mat­vöru­verði sýnir að verð­munur á ein­stökum vörum er víða mik­ill og í mörgum til­vikum fer hann yfir 30 pró­sent. Verð­munur er gjarnan minni í lág­vöru­versl­unum eða oft á bil­inu 5-10% frá lægsta verði. Nið­ur­stöð­urnar und­ir­strika að neyt­endur geta sparað umtals­verðar fjár­hæðir með því að bera saman verð milli versl­ana.  Samkvæmt úttekt­inni er ódýrasta verðið á mat­vöru að finna í Prís en þar á eftir fylgja Bónus og Krónan.

Verð­lags­eft­ir­lit ASÍ kann­aði verð á mat­vöru dag­ana 8-14. júní í níu versl­unum. Verð voru könnuð í Bónus, Krónunni, Nettó, Hag­kaupum, Kram­búð­inni, Kjör­búð­inni, Fjarð­ar­kaupum, Prís og SPAR.

Prís ódýrust af lágvöruverslunum

Þegar verð eru borin saman á 289 vörum sem feng­ust í lág­vöru­versl­unum, þeim Bónus, Krónunni, Nettó og Prís var lægsta verðið oft­ast að finna í Prís. 

Versl­unin er með lægsta verð á fjöl­mörgum vörum í öllum helstu vöru­flokkum, þar á meðal mjólk­ur­vörum, brauð­vörum, kjöt­vörum, drykkj­ar­vörum og ýmsum þurr­vörum. Að jafn­aði var verð á vörum í Bónus um 5,5% hærra en þar sem varan fékkst á lægsta verði, sem í nær öllum til­fellum var í Prís. Verð í vörum í Krónunni var að jafn­aði 6% hærra og Nettó um 11% hærra. 

Tæplega 8 þúsund króna verðmunur á vörukörfunni í lágvöruverslunum

Sé vöru­karfa með 100 algengum neyslu­vörum fyrir heim­ili skoðuð var lægsta verðið einnig að finna í Prís þar sem hún kost­aði 60.395 krónur sam­an­borið við 68.127 kr. í Nettó þar sem vöru­karfan var dýr­ust. Í Bónus kost­aði sama karfa 64.373 kr. og í Krónunni 64.546 kr. Vöru­list­ann má í heild sinni sjá hér. 

Mikill verðmunur á algengum neysluvörum

Vöru­úr­val getur verið mjög breyti­legt milli þeirra fjölda versl­ana sem verð­lags­eft­ir­litið heim­sótti og einnig getur verið munur á stærð pakkn­inga sömu vara. Af þeim vörum sem fáan­legar voru í öllum níu versl­un­unum var algengt að verð­munur væri bil­inu 25-70%. Mest mun­aði á verði á heim­il­is­brauði frá Myllunni sem var meira en tvö­falt dýr­ara í Kram­búð­inni heldur en í Prís. Mikill verð­munur er ekki aðeins á sér­vörum heldur einnig á algengum neyslu­vörum sem finna má á flestum heim­ilum. Í flestum til­fellum var hæsta verðið að finna í Kram­búð­inni og þar á eftir  í Hag­kaupum. Listann má í heild sinni finna hér.

Á meðal dæma má nefna:

• MS létt­mjólk, 1 lítri kost­aði frá frá 259 krónum í  Prís upp í 369 krónur í Kram­búð­inni, sem jafn­gildir 42 pró­senta verð­mun.
• Nýmjólk var á bil­inu 259 í Prís og 369 krónur í Kram­búð­inni , einnig 42 pró­senta munur.
• KEA smá­skyr var á bil­inu 201 til 289 krónur eftir versl­unum, eða 44 pró­senta munur. Ódýrust var það í Prís en dýr­ast í Kram­búð­inni.
• Heim­il­is­jó­gúrt með jarð­ar­berja­bragði kost­aði frá 492 krónum í Prís upp í 649 krónur í Kram­búð­inni, sem er 32 pró­senta munur.
• Góðostur í sneiðum kost­aði á bil­inu 1.105 í Prís og 1.399 krónur í Kram­búð­inni, eða 27 pró­senta munur.

Meiri verðmunur í krónum á kjöt og fisk

Mestur verð­munur í krónum talið mæld­ist á stærri og dýr­ari kjöt­vörum.

Kjarna­fæði Lúxus Lamba­læri kost­aði frá 2.599 kr/kg í Prís upp í 4.779 kr/kg í Nettó, sem jafn­gildir 84 pró­senta verð­mun og rúm­lega 2.100 króna mis­mun á kr/kg.

Ali brak­andi læra­kjöt var á bil­inu 1.659 til 2.239 krónur, eða 35 pró­senta munur. Þá kost­aði kjúklinga­bringur frá 2.110 kr/kg upp í 2.759 kr/kg krónur eftir versl­unum.

Verð á ávöxtum og grænmeti einnig breytilegt

Verð á græn­meti og ferskvöru var sömu­leiðis breyti­legt.

Rauð epli voru ódýr­ust í Prís á 399 kr/kg en þar eftir fylgdi krónan á 413 kr/kg og Bónus á 459 kr/kg. 

Spergilkál kost­aði frá 479 krónum upp í 749 krónur, sem er 56 pró­senta munur. Lamb­haga­salat var á bil­inu 459 til 799 krónur, eða 74 pró­senta munur.

Verð­munur á sveppum og tómötum var minni, eða 13 og 12 pró­sent.

Þúsundir króna geta skilið á milli

Þótt mun­ur­inn á ein­stökum vörum virð­ist oft ekki mik­ill getur hann safn­ast hratt upp þegar keyptar eru margar vörur í einni inn­kaupa­ferð.

Könnunin sýnir að verð­munur á algengum dag­vörum er enn mik­ill og að sér­stak­lega getur borgað sig að fylgj­ast með verði á kjöti, mjólk­ur­vörum og brauð­vörum þar sem mun­ur­inn er gjarnan mik­ill..

Um könnunina

Í könn­un­inni var verð á mat­vöru kannað í níu versl­unum dag­ana 8-14. júní. Verð voru könnuð í Bónus, Krónunni, Nettó, Hag­kaupum, Kram­búð­inni, Kjör­búð­inni, Fjarð­ar­kaupum, Prís og SPAR.

Í verð­sam­an­burði er miðað við hillu­verð sem neyt­andi hefur upp­lýs­ingar um í versl­un­inni. Þegar skýrt er gefið til kynna að veittur sé afsláttur/til­boðs­verð af merktu verði við kassa var skráð afslátt­ar­verð.

Öll verð ásamt nýj­ustu verðum geta neyt­endur nálg­ast í Nappinu eða á ver­dlags­eft­ir­lit.is

Hér er aðeins um beinan verð­sam­an­burð að ræða, en ekki er lagt mat á gæði eða þjón­ustu sölu­að­ila.