Flestum þykir Eiður Smári Gudjohnsen, brottrekinn aðstoðarþjálfari karlalandsliðsins í fótbolta, ekki hafa fengið réttláta meðferð hjá KSÍ. Þetta kemur fram í skoðanakönnun Mannlífs sem fram fór í gær.
Tæplega 64 prósent þjóðarinnar telur meðferðina á aðstoðarþjálfaranum alls ekki sanngjarna. Nærri 22 prósent svarenda eru þeirrar skoðunar að meðferð KSÍ á Eiði sé réttlát á meðan tæp 13 prósent segjast ekki viss hvað þeim finnst um málið.
Knattspyrnusamband Íslands rak í fyrradag Eið Smára úr starfi aðstoðarþjálfara íslenska karlalandsliðsins í knattspyrnu. Ákvörðunin er umdeild og skiptar skoðanir um hvort rétt hafi verið að reka hann úr starfi, þrátt fyrir persónuleg vandamál Eiðs.
Mannlíf vildi heyra skoðun lesenda og skellti í skoðanakönnun í gærmorgun. Spurt var: Er Eiður Smári að fá réttláta meðferð hjá KSÍ? Niðurstaðan er eftirfarandi:

Um 1.500 manns tóku þátt í könnuninni en þar af þótti 977 manns Eiður ekki fá sanngjarna meðferð. Þá voru 190 ekki vissir og 329 svöruðu spurningunni játandi.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir