Grípa þurfti til aðgerða á skemmtistað í miðbæ Reykjavíkur í nótt og lokaði lögregla staðnum. Hámarksfjöldi gesta var ekki virtur en einnig voru þar börn undir lögaldri. Stuttu síðar barst lögreglu tilkynning um hóp unglinga hlaupa í kringum bifreið í hverfi 101 og heyrði tilkynnandi einn þeirra segja „drop the gun“. Lögregla mætti á vettvang og kom þá í ljós að unglingarnir voru í óða önn að taka upp tiktok myndband. Leikfanga byssur voru notaðar og málið var litið alvarlegum augum. Þá kemur fram í dagbók lögreglu að málið hafi verið unnið í samvinnu við forráðamenn og tveir hafi verið kærðir.
Í hverfi 108 köstuðu árásaraðilar steinum í fólk eftir slagsmál. Þegar lögregla kom á staðinn voru mennirnir á bak og burt. Í sama hverfi reyndi þjófur að flýja undan lögreglu á rafmagnshlaupahjóli. Náðist hann að lokum en maðurinn er grunaður um innbrot, þjófnað og brot á vopnalögum. Þá sinnti lögregla reglubundnu umferðareftirliti og stöðvaði ökumenn sem grunaðir voru um akstur undir áhrifum áfengis.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.































Athugasemdir