Níu skíðamanna er nú leitað eftir að snjóflóð féll í Nevada-sýslu, í Bandaríkjunum.
Sýsluskrifstofa Nevada-sýslu greindi frá því að Sierra Avalanche Center hefði gefið út snjóflóðaviðvörun klukkan fimm að morgni þriðjudags, sem gilti í sólarhring. Talið er að níu skíðamenn hafi lent í snjóflóðinu og þeirra leitað nú.
Ferðaskrifstofan Blackbird Mountain Guides sagði hópurinn sem lenti í snjóflóðinu hafi samanstaðið af 11 viðskiptavinum og fjórum leiðsögumönnum í þriggja daga ferð, þar sem hópurinn dvaldi í Frog Lake Backcountry Huts. Snjóflóðið varð nærri Castle Peak-svæðinu, í nálægð við Donner Pass í Kaliforníu.
Hópurinn var á leið til baka að upphafsstað gönguleiðarinnar þegar snjóflóðið féll.
„Stjórnendateymi Blackbird Mountain Guides vinnur í fullu samráði við sýsluskrifstofu Nevada-sýslu og Nevada County Search and Rescue til að styðja við áframhaldandi björgunaraðgerðir,“ sagði fyrirtækið.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir