Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Faðir skaut eig­in­konu sína og þrjú ung börn til bana

Heimur

Kærasti Heidi Gardner lát­inn, 43 ára að aldri

Heimur

Hin sænska Karin hvarf áður en hún átti að sækja börnin sín

Tryggingastofnun svarar fyrir sig eftir harða gagnrýni á Alþingi

„Starfs­fólk TR leggur sig fram um að veita fram­úr­skar­andi þjón­ustu, tryggja jafn­ræði og vand­aða máls­með­ferð og fer að lögum í hví­vetna.“

Ólík sýn á þjónustuna
Ólík sýn á þjón­ust­una Trygg­inga­stofnun hafnar gagn­rýni Guð­mundar Inga Krist­ins­sonar og vísar til þjón­ustukann­ana sem sýni góða ein­kunn fyrir við­mót starfs­fólks. Mynd: Samsett / Tryggingastofnun / Víkingur

Trygg­inga­stofnun hafnar gagn­rýni Guð­mundar Inga Krist­ins­sonar, þing­manns utan flokka og fyrrum ráð­herra, sem sak­aði stofn­un­ina meðal ann­ars um að veita fólki rangar upp­lýs­ingar og sýna þeim sem leita aðstoðar for­dóma. Stofn­unin segir ásak­an­irnar ekki eiga við rök að styðj­ast og vísar til þjón­ustukann­ana sem sýni að starfs­fólk fái háa ein­kunn fyrir við­mót og þjón­ustu.

Þetta kemur fram í skrif­legum svörum Sigrúnar Jóns­dóttur, sviðs­stjóra sam­skipta og þjón­ustu­stjórn­unar hjá Trygg­inga­stofnun (TR), við fyr­ir­spurnum Mannlífs vegna ummæla Guð­mundar Inga á Alþingi þann 3. nóv­em­ber síð­ast­lið­inn en Mannlíf sendi Huld Magn­ús­dóttur, for­stjóra Trygg­inga­stofn­unar, fyr­ir­spurn­ina.

Í þing­ræðu sinni gagn­rýndi Guð­mundur Ingi harð­lega almanna­trygg­inga­kerfið og lýsti reynslu fólks sem hann sagði berj­ast við kerfi sem ætti að veita því aðstoð. Hann sak­aði meðal ann­ars Trygg­inga­stofnun um að veita rangar upp­lýs­ingar og sýna fólki for­dóma.

Segja ásakanir um fordóma ekki eiga við rök að styðjast

Í svörum sínum við Mannlífi hafnar Trygg­inga­stofnun því að starfs­fólk stofn­un­ar­innar sýni skjól­stæð­ingum for­dóma.

„Starfs­fólk TR leggur sig fram um að veita fram­úr­skar­andi þjón­ustu, tryggja jafn­ræði og vand­aða máls­með­ferð og fer að lögum í hví­vetna.“

Sigrún segir gagn­rýni þing­manns­ins ekki sam­ræm­ast þeirri mynd sem þjón­ustukann­anir dragi upp af starf­semi stofn­un­ar­innar.

„Við teljum þessa orð­ræðu ekki eiga við rök að styðj­ast heldur þvert á móti sýna þjón­ustukann­anir að starfs­fólk TR fær háa ein­kunn fyrir gott við­mót og þjón­ustu.“

Samkvæmt svör­unum hefur við­mót starfs­fólks fengið ein­kunn­ina 4,3 af fimm mögu­legum á árinu 2026, sem stofn­unin telur mjög góða nið­ur­stöðu.

Ekki kemur hins vegar fram í svör­unum hvort stofn­un­inni hafi borist kvart­anir vegna for­dóma eða óvið­eig­andi fram­komu starfs­fólks, þrátt fyrir að sér­stak­lega hafi verið spurt um það.

Guð­mundur Ingi Krist­ins­son

Þykir miður að þingmaðurinn telji upplýsingar rangar

Trygg­inga­stofnun bregst einnig við ásök­unum Guð­mundar Inga um að skjól­stæð­ingar fái rangar upp­lýs­ingar um rétt­indi sín.

„Það er miður að Guð­mundur Ingi telji starfs­fólk Trygg­inga­stofn­unar veita rangar upp­lýs­ingar,“ segir í svar­inu.

Stofn­unin bendir þó á að ekki sé hægt að taka afstöðu til ein­stakra mála þar sem þing­mað­ur­inn hafi ekki til­greint hvaða mál hann eigi við.

„Þar sem við vitum ekki um hvaða mál þing­mað­ur­inn er að tala, þá getum við ein­ungis svarað almennt um hvernig TR tryggir upp­lýs­inga­gjöf til við­skipta­vina.“

Sigrún segir að und­an­farin ár hafi verið lögð mikil áhersla á að bæta upp­lýs­inga­gjöf og ráð­gjöf. Vefur stofn­un­ar­innar hafi verið end­ur­skrif­aður og færður yfir á Ísland.is, bréf séu í end­ur­skoðun og gæða­kerfi hafi verið styrkt.

Þá fái starfs­fólk umfangs­mikla þjálfun í sam­skiptum við almenn­ing.

„Það er stefna TR að vera hlý, skýr og upp­lýsandi og veita góðar og skýrar upp­lýs­ingar um stöðu mála.“

Stofn­unin greiddi 86 þús­und ein­stak­lingum árið 2025 að sögn Sigrúnar og fær árlega tug­þús­undir erinda í gegnum síma, tölvu­póst og önnur sam­skipti.

Sjö teymi eiga að koma í veg fyrir að fólk falli milli kerfa

Ráð­herr­ann fyrr­ver­andi gagn­rýndi jafn­framt að ein­stak­lingar sem væru óvinnu­færir fengju þau svör að þeir væru ekki nægi­lega veikir eða með nógu alvar­legan geð­rænan vanda til að eiga rétt á aðstoð.

Trygg­inga­stofnun bendir í þessu sam­hengi á breyt­ingar sem tóku gildi haustið 2025.

„Trygg­inga­stofnun greiðir sjúkra- og end­ur­hæf­ing­ar­greiðslur sam­kvæmt þeim gögnum sem ber­ast frá fag­að­ilum og umsækj­anda en er ekki með­ferð­ar­að­ili eða heil­brigð­is­stofnun.“

Laga­breyt­ing­arnar komu á fót teymum sem eiga að bæta sam­starf þeirra sem veita þjón­ustu. Þau eiga líka að tryggja að fólk fái þá aðstoð sem það þarf, þótt fleiri en eitt kerfi komi að málum þess.

„Hlutverk þeirra er aðstoða ein­stak­linga sem gætu mögu­lega fallið á milli kerfa, kort­leggja úrræði og leggja til úrbætur.“

Teymin eru sjö tals­ins og starfa um allt land. Að sögn Sigrúnar hefur reynslan af starf­semi þeirra verið góð fyrsta árið.

Segir umbætur ávallt í forgrunni

Að lokum var Trygg­inga­stofnun spurð hvort gagn­rýni þing­manns­ins kall­aði á breyt­ingar á starfs­háttum stofn­un­ar­innar.

Í svar­inu er bent á að almanna­trygg­inga­kerfið sé 90 ára á þessu ári og hafi alla tíð verið í stöðugri þróun.

„Það er mik­il­vægt að þjón­usta hins opin­bera fylgi breyttum áherslum í sam­fé­lag­inu, tækni­breyt­ingum og breyt­ingum á sam­setn­ingu íbúa.“

Sigrún segir Trygg­inga­stofnun fylgja stefnu stjórn­valda hverju sinni og leggja áherslu á fag­mennsku, góða stjórn­sýslu og vand­aða þjón­ustu.

„Umbætur eru ávallt í for­grunni og stefna TR er að þjón­usta og rekstur fari fram með sem bestum hætti.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Fólk

Björgvin Franz fagnar eins árs sam­bands­af­mæli með kærust­unni

„Lífið er svo miklu betra með þér“
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Talninga-Tómas verður Dómara-Tómas

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ók á 126 km hraða þar sem hámarkið er 80

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu