Jón Ármann Héðinsson, fyrrverandi alþingismaður, er fallinn frá. Hann fæddist á á Húsavík 21. júní 1927.
Hann starfaði meðal annars við sjómennsku á langri starfsævi. Hann stofnaði útgerðafélagið Hreifa á Húsavík ásamt fjölskyldu sinni. Hann rak útgerð og fiskvinnslu í Hafnarfirði til ársins 1990.
Vefmiðillinn Vísir segir frá andláti hans og upplýsir að Jón Ármann hafði alla tíð mikinn áhuga á stjórnmálum og sérstakan áhuga á sjávarútvegsmálum. Hann var um tíma bæjarfulltrúi á Húsavík. Hann sat í stjórn Landssambands íslenskra útvegsmanna 1961 til 1963 og í stjórn Sölusambands íslenskra fiskframleiðenda 1964 til 1977. Jón Ármann var kjörinn á þing fyrir Alþýðuflokkinn árið 1967 og sat á þingi til ársins 1978. Hann var hvað þekktastur fyrir að hafa fengið samþykkt lög ssem banna tóbaksauglýsingar.
Á efri árum starfaði hann sem fararstjóri á Spáni í ferðum fyrir eldri borgara.
Eiginkona Jóns Ármanns var Ólöf Ágústa Guðmundsdóttir. Þau eignuðust fjögur börn, tíu barnabörn og langafabörnin eru orðin ellefu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir