Eiríkur Tómasson útgerðarmaður í Grindavík lést á Landspítalanum í Fossvoginum í fyrradag, sjötugur að aldri. Þetta tilkynnti eiginkona hans, Katrín Sigurðardóttir á Facebook í gær.
Eiríkur var forstjóri útgerðarfyrirtækisins Þorbjarnar hf. í áratugi en Þorbjörn keypti fyrirtækið Bakka hf í Bolungarvík árið 1997 og árið 2000 sameinuðust þau svo Fiskanesi í Grindavík og Valdimar í Vogum.
Eiríkur var vinamargur og bar af sér mikinn þokka. Einn vina hans, Guðni Ölversson minnist hans á Facebook. Þar sagði hann meðal annars: „Ég er þakklátur fyrir að hafa kynnst Eiríki Tómassyni og allri hans nánustu fjölskyldu. Hvíl í friði kæri vinur. Minningarnar léttu og ljúfu lifa enn svo lengi sem ég dreg andann.“
Mannlíf sendir fjölskyldu og vinum Eiríks innilegar samúðarkveðjur.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.































Athugasemdir