Lögregla sinnti heldur óvanalegu útkalli í gærkvöldi eftir að tilkynning barst um ungmenni að reyna að lokka til sín dúfur og handsama þær. Þegar lögregla kom á vettvang kom í ljós að ungmennin voru með gildru og höfðu þegar handsamað tvær dúfur og sett ofan í bakpoka sem þau höfðu meðferðis. Ekki kemur fram í dagbók lögreglu hvernig málinu lauk.
Síðar um kvöldið þurfti lögregla að hafa afskipti af tveimur karlmönnum í annarlegu ástandi. Annar þeirra var öldauður í anddyri hótels en gekk hann sína leið þegar lögregla vakti hann. Tvær tilkynningar bárust lögreglu um grunsamlegar mannaferðir og aðrar tvær vegna líkamsárásar. Þá var brotist inn í heimahús í Garðabæ þar sem verðmætum var stolið en þjófurinn hefur enn ekki náðst. Auk þess sinnti lögregla reglubundnu umferðareftirliti og stöðvaði ökumann sem grunaður er um akstur undir áhrifum fíkniefna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.































Athugasemdir