Lögreglu barst tilkynning í gærkvöldi um líkamsárás þar sem hnífi var beitt. Fjórir menn voru handteknir í kjölfarið en þremur var sleppt úr haldi þegar líða tók á nóttina. Miðlæg deild lögreglu rannsakar málið en þolandi var fluttur á slysadeild til aðhlynningar. Ekki kemur fram í dagbók lögreglu hvort maðurinn sem varð fyrir árásinni hafi slasast alvarlega. Í miðbæ Reykjavíkur þurfti lögregla að hafa afskipti af manni sem hafði verið með læti. Sá var í annarlegu ástandi og þurfti því að vista hann í fangaklefa.
Síðar um kvöldið barst lögreglu tilkynning um hóp ungmenna í slagsmálum. Þar höfðu nokkrir ráðist að einum en samkvæmt dagbók lögreglu eiga tvær stúlkur, sem tóku mestan þátt í árásinni, von á kæru. Sem betur fer voru meiðsli aðeins minniháttar. Þá sinnti lögregla umferðareftirliti og handtók tvo ökumenn sem grunaðir eru um akstur undir áhrifum vímuefna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir