Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Faðir skaut eig­in­konu sína og þrjú ung börn til bana

Heimur

Kærasti Heidi Gardner lát­inn, 43 ára að aldri

Heimur

Hin sænska Karin hvarf áður en hún átti að sækja börnin sín

Sema Erla segist sæta pólitískum ofsóknum

„Við höfum nú setið undir rík­is­of­beldi í tvö ár og verið þving­aðar til þess að takast á við alls konar áreiti og árásir, hindr­anir, aðdrótt­anir og æru­meyð­ingar“

Sema Erla Serdaroglu
Sema Erla Serdaroglu Tvö ár eru liðin frá því að lögð var fram kæra á hendur Semu og Maríu Mynd: Instagram

Sema Erla Serdaroglu, stjórn­mála­fræð­ingur og bar­áttu­kona, segir rann­sókn lög­reglu á fjár­söfnun fyrir Palest­ínu hafa staðið yfir í tvö ár án nið­ur­stöðu og telur málið vera póli­tískar ofsóknir. Þetta kemur fram í færslu sem hún birti í dag á sam­fé­lags­miðlum.

Sema rifjar upp að í dag, 4. mars, séu liðin tvö ár síðan kæra var lögð fram gegn henni og Maríu Lilju Ing­veldar-Þrast­ar­dóttur Kemp vegna fjár­söfn­unar sem ætlað var að hjálpa Palest­ínu­fólki að kom­ast frá Gaza til Íslands, í miðju þjóð­ar­morði Ísraela.

„Í dag, þann 4. mars 2026, eru tvö ár síðan Einar S. Hálf­dán­ar­son, hæsta­rétt­ar­lög­maður og end­ur­skoð­andi, „leyfði sér að bera fram kæru“ á hendur mér og Maríu Lilju Ing­veldar-Þrast­ar­dóttur Kemp vegna „meintrar refsi­verðar hátt­semi“ okkar við fjár­söfnun,“ skrifar hún.

Söfnunin var lands­söfnun til að koma Palest­ínu­fólki með dval­ar­leyfi á Íslandi undan stríð­inu á Gaza og til fjöl­skyldna sinna hér á landi. Að sögn Semu Erlu söfn­uð­ust um 90 millj­ónir króna og um 200 ein­stak­lingar, flest konur og börn, komust til lands­ins.

„Nið­ur­staðan var sú að um 90 millj­ónir söfn­uð­ust og um 200 ein­stak­lingar, flest konur og börn, komust undan þjóð­ern­is­hreins­unun og öll þau sem höfðu eða hafa síðan fengið útgefið dval­ar­leyfi af íslenskum yfir­völdum komu til lands­ins,“ segir hún.

Samtökin Solaris – hjálp­ar­sam­tök fyrir hæl­is­leit­endur og flótta­fólk á Íslandi, sem Sema Erla er í for­svari fyrir, voru í laga­legu for­svari fyrir söfn­un­ina og að sögn Semu Erlu komu fjöldi sjálf­boða­liða að verk­efn­inu.

Í kærunni sak­aði Einar þau meðal ann­ars um brot á lögum um opin­berar fjár­safn­anir, mútu­greiðslur og brot á lögum um pen­inga­þvætti og fjár­mögnun hryðju­verka. Sema segir þó að þegar hún mætti í skýrslu­töku hjá lög­reglu árið 2024 hafi komið í ljós að engin sönn­un­ar­gögn fylgdu kærunni.

„Þegar ég og lög­maður minn báðum um að sjá þau sönn­un­ar­gögn sem fylgdu kærunni var okkur tjáð að það væru engin gögn,“ skrifar hún og bætir við að hún hafi þá spurt „hvern fjand­ann ég væri eig­in­lega að gera þarna.“

Málið hefur verið fellt niður tvisvar sinnum af lög­reglu en tekið aftur upp eftir kærur til rík­is­sak­sókn­ara. Í dag er það til rann­sóknar í þriðja sinn og Sema segir að hún og María Lilja hafi enn stöðu sak­born­ings.

Hún segir jafn­framt að öll gögn um söfn­un­ina hafi verið afhent yfir­völdum, þar á meðal reikn­ings­yf­ir­lit, kvitt­anir og skýrslu sem end­ur­skoð­andi yfir­fór.

Sema telur að málið hafi haft veru­leg áhrif á líf þeirra sem í því hafa lent.

„Við höfum nú setið undir rík­is­of­beldi í tvö ár og verið þving­aðar til þess að takast á við alls konar áreiti og árásir, hindr­anir, aðdrótt­anir og æru­meyð­ingar,“ skrifar hún.

Hún segir jafn­framt að sú stað­reynd að málið hafi staðið yfir svo lengi án nið­ur­stöðu sé „áfell­is­dómur yfir íslensku sam­fé­lagi, lög­regl­unni á höf­uð­borg­ar­svæð­inu og dóms­kerf­inu.“

Að hennar mati bendir allt til þess að kæran hafi verið póli­tískt drifin.

„Það er ekki hægt að kom­ast að annarri nið­ur­stöðu en að hér er fyrst og fremst um póli­tískar ofsóknir á hendur mér og Maríu Lilju að ræða,“ skrifar hún.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Fólk

Björgvin Franz fagnar eins árs sam­bands­af­mæli með kærust­unni

„Lífið er svo miklu betra með þér“
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Talninga-Tómas verður Dómara-Tómas

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ók á 126 km hraða þar sem hámarkið er 80

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu