Viktor Orri Valgarðsson, stjórnmálafræðingur og fyrrverandi varaþingmaður Pírata skýtur leifturfast á Snorra Másson, þingmann Miðflokksins, í nýrri Facebook-færslu.
Til efni skrifa Viktors Orra eru orð Snorra sem hann lét falla á Rás 2 í morgun, þar sem hann rökræddi við Friðjón R. Friðjónsson, borgarfulltrúa Sjálfstæðisflokksins. Friðjón hafði svarað orðum Snorra, meðal annars um að samfélagið á Íslandi hafi gengið vel í 1100 ár án aðkomu erlends vinnuafls. Þessu var Friðjón ósammála en voru þeir fengnir til að ræða þessi mál á Rás 2 í morgun.
„Snorri Másson hélt því fram á Rás 2 rétt í þessu að það væri staðreynd að verið væri að "skipta út" Íslendingum vegna lágrar fæðingartíðni og fjölda innflytjenda.“ Þannig hefst færsla Viktors Orra og bætir við: „Á þeim grunni heldur hann því fram að hrun vestrænnar siðmenningar vofi yfir.“
Útskýrir Viktor Orri þankaganginn á bakvið orð Snorra:
„Það felur í sér þá forsendu að fólk sem fæðist annars staðar (í okkar tilfelli aðallega Austur-Evrópu) geti ekki tileinkað sér vestræna siðmenningu eða orðið Íslendingar.“
Að lokum sendir Viktor Orri örfínar pílur á Miðflokksmanninn:
„Hvað eigum við að kalla þá hugmynd, svo Snorri fari ekki að kveinka sér yfir að hann megi ekki tala fyrir gömlum merkimiðum... frasisma? Þjóðisma? Fæðingarlandsisma?“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.



























Athugasemdir