Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Heimur

Macaulay Culkin snýr aftur sem Kevin McCallister

Fólk

Björgvin Franz fagnar eins árs sam­bands­af­mæli með kærust­unni

Innlent

Lög­reglan lýsir eftir Nikulási Snorra­syni

Heimur

Hin sænska Karin hvarf áður en hún átti að sækja börnin sín

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Heimur

Maður stung­inn í Las Palmas

Sýslumaður viðurkennir mistök

Skúli Gunnar Sigfússon. Mynd / Eggert Jóhannesson|Sveinn Andri Sveinsson *** Local Caption *** Sveinn Andri Sveinsson
Skúli Gunnar Sig­fús­son. Mynd / Eggert Jóhann­es­son|Sveinn Andri Sveins­son *** Local Caption *** Sveinn Andri Sveins­son

Fulltrúi Sýslu­manns­ins á höf­uð­borg­ar­svæð­inu boð­aði að kyrr­setn­ingu eigna Skúla í Subway yrði aflétt í kjöl­far nýfall­ins dóms Lands­réttar. Daginn eftir dró hann það til baka. Skúli hefur nú kært þrota­búið vegna ákvörð­unar sýslu­manns.

„Þetta er mjög íþyngj­andi og veldur mér gíf­ur­legu tjóni,“ segir Skúli Gunnar Sig­fús­son, sem jafnan er kenndur við Subway. Fulltrúi Sýslu­manns­ins á höf­uð­borg­ar­svæð­inu til­kynnti Skúla og hlut­að­eig­andi lög­mönnum þann 12. mars síð­ast­lið­inn að kyrr­setn­ingu eigna hans yrði nú aflétt. Það yrðii gert á grund­velli nýfall­ins dóms Lands­réttar. Daginn eftir til­kynnti full­trú­inn svo að fyrri til­kynn­ing hefði verið send í fljót­færni. Eign­irnar, sam­tals um 600 millj­ónir króna, eru því enn í vörslu sýslu­manns og Skúli seg­ist engin svör fá.

Mála­ferli þrota­bús EK1923, sem áður var heild­salan Eggert Krist­jáns­son ehf., gegn Sjö­stjörn­unni, félagi í eigu Skúla, voru að stórum hluta til lykta leidd í Lands­rétti 6. mars. Dóm­stóll­inn sneri þá við dómi hér­aðs­dóms að stærstum hluta. Hér­aðs­dómur hafði áður dæmt Sjö­stjörn­una til að greiða þrota­bú­inu 223 millj­ónir og 21 milljón króna auk vaxta. Samtals yfir 400 millj­ónir króna.

Lands­réttur komst hins vegar að þeirri nið­ur­stöðu að aðeins bæri að greiða lægri upp­hæð­ina. Í dómnum var kyrr­setn­ing á bróð­ur­parti af eignum félags Skúla fyrir vikið felld úr gildi, en eignir hans hafa verið kyrr­settar frá 2017. Dóm­stóll­inn komst að þeirri nið­ur­stöðu að aðeins þær eignir sem vörð­uðu lægri upp­hæð­ina, 21 milljón, skyldu áfram vera í kyrr­setn­ingu.

Sveinn Andri Sveins­son, skipta­stjóri EK1923, sagði við mbl.is eftir dóms­upp­kvaðn­ing­una í byrjun mars að allar líkur væru á að hann myndi sækja um áfrýj­un­ar­leyfi til Hæsta­réttar.

Sveinn Andri Sveins­son, lög­maður og skipta­stjóri. Mynd / Rakel Ósk

Fulltrúi sýslumanns ber fyrir sig fljótfærni

Mannlíf hefur fengið afrit af tölvu­póst­sam­skiptum á milli full­trúa sýslu­manns og máls­að­ila, þar sem þung orð eru látin falla. Eins og áður segir til­kynnti full­trúi sýslu­manns um aflétt­ingu kyrr­setn­ingar 12. mars en dró það til baka dag­inn eftir. „Ég við­ur­kenni að það var fljót­færni af minni hálfu að senda út póst­inn í gær. Ég biðst vel­virð­ingar á því,“ segir hann í tölvu­pósti.

Full­trú­inn bætir við að sýslu­maður hafi ekki breytt ákvörðun sinni vegna hót­ana Sveins Andra, en Skúli hafði látið að því liggja í fyrri pósti. Markmið sýslu­manns sé ein­fald­lega að kom­ast að lög­fræði­lega réttri nið­ur­stöðu. „Menn geta svo deilt um lög­fræð­ina,“ skrifar full­trú­inn.

Síðar segir hann að tölvu­póstur sé ekki það sama og form­legur úrskurður. „Í þessu máli hefur form­leg end­ur­upp­taka ekki farið fram hjá sýslu­manni og mun ekki fara fram fyrr en eftir að Hæsti­réttur hefur tekið afstöðu til umsóknar um áfrýj­un­ar­leyfi. Þá munum við, eins og áður sagði, skoða málið að nýju, vega það og meta með hlið­sjón af ákvörðun Hæsta­réttar.“ Sýslu­maður virð­ist því ætla að bíða eftir því hvort Sveinn Andri fái áfrýj­un­ar­leyfi.

Skúli kærir sýslumann

Skúli bendir í pósti sínum að hann hefði til­kynnt nokkrum kröfu­höfum sínum að hann gæti senn gert upp skuldir við þá, þar sem hann ætti von á um 600 millj­ónum króna í formi fast­eigna og pen­inga. Hann krefst þess að sýslu­maður standi við það sem hann hafði áður til­kynnt.

Nú eru tvær vikur liðnar og Skúli seg­ist engin svör hafa fengið en bæði Skúli og lög­maður hans hafa ítrekað kraf­ist þess að sýslu­maður standi við fyrri ákvörðun sína eða hitti þá á fundi. Bent er á að afstöðu Hæsta­réttar Íslands vegna beiðni um áfrýjun geti verið mjög langt að bíða. Rétt­ur­inn starfi ekki á fullum afköstum vegna COVID-19 auk þess sem sum­ar­leyfi sé fram undan.

Skúli er afar ósáttur við stöðu mála. „Þótt Sveinn Andri sæki um áfrýj­un­ar­leyfi breytir það ekki dómi Lands­réttar. Allir lög­menn sem ég hef talað við segja að þetta stand­ist enga skoðun.“ Hann segir að kyrr­setn­ingin árið 2017 hafi farið fram með miklu ofbeldi. Sýslu­maður hafi látið hjá líða að krefj­ast trygg­ingar af hálfu gerð­ar­beið­anda, Sveins Andra, vegna kyrr­setn­ing­ar­innar. „Ég lít á þetta sem ofbeldi af hálfu sýslu­manns. Og nú svara þeir engu.“ Hann segir að afstaða sýslu­manns sé honum mjög íþyngj­andi. Um sé að ræða fast­eignir auk 120 millj­óna í reiðufé. Samtals um 600 millj­ónir.

Lögmaður Sjö­stjörn­unnar, félags Skúla, hefur lagt fram kæru á hendur þrota­bú­inu þar sem þess er kraf­ist að ákvörðun sýslu­manns­ins á höf­uð­borg­ar­svæð­inu, um að bíða svars Hæsta­réttar við beiðni um áfrýj­un­ar­leyfi, verði felld úr gildi og sýslu­mann­inum gert skylt með úrskurði að aflétta kyrr­setn­ingu eign­anna.

Um hvað snýst málið?

Deilur skipta­stjór­ans Sveins Andra Sveins­sonar og athafna­manns­ins Skúla Gunnars Sig­fús­sonar hafa staðið yfir í nokkur ár.

Til að gera langa sögu stutta tengj­ast þær í grunn­inn 223 millj­óna króna sölu á heild­söl­unni EK1923 til Sjö­stjörn­unnar og  þeim samn­ingum sem gerðir voru í tengslum við fast­eign félags­ins, Skútuvog 3.

Skúli keypti heild­söl­una í nóv­em­ber 2013, ásamt öðrum fjár­festum, en rift­un­ar­málin snú­ast um að Skútu­vogur 3 var seldur út úr heild­söl­unni yfir í Sjö­stjörn­una fyrir ára­mótin 2013. Skipta­stjóri EK1923 ehf., Sveinn Andri Sveins­son, er þeirrar skoð­unar að fast­eignin hafi verið seld á allt of lágu verði auk þess sem sam­svar­andi skuldir hafi ekki verið yfir­teknar.

Sveinn Andri hefur höfðað fjölda rift­un­ar­mála gegn félögum Skúla en hefur auk þess vísað málum til hér­aðs­sak­sókn­ara. Í nóv­em­ber var Skúli, ásamt tveimur stjórn­endum fyr­ir­tækja hans, ákærður af emb­ætti hér­aðs­sak­sókn­ara fyrir að milli­færa pen­inga af banka­reikn­ingum EK1923 ehf. og rýra þannig efna­hag þess í aðdrag­anda þess að félagið var úrskurðað gjald­þrota.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Kærastan fann dag­bæk­urnar og sleit sam­band­inu við David Walliams

„Ég var orðinn kynlífsfíkill“
Heimur

Prestur rifjar upp óþægi­lega reynslu úr æsku

Innlent

„Sterkar vís­bend­ingar eru núna um að hryðju­verk­a­ríkið Ísrael hafi gert tölvu­árás á íslenska inn­viði“

Innlent

Ekið á mann á raf­hlaupa­hjóli

Innlent

Að minnsta kosti þrjár Palest­ínu­tengdar vef­síður eyði­lagðar í netárásinni á 1984

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Talninga-Tómas verður Dómara-Tómas

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ók á 126 km hraða þar sem hámarkið er 80

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu