Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Faðir skaut eig­in­konu sína og þrjú ung börn til bana

Heimur

Kærasti Heidi Gardner lát­inn, 43 ára að aldri

Heimur

Hin sænska Karin hvarf áður en hún átti að sækja börnin sín

„Það er alls ekki hryðjuverk að hleypa dýrum út“

Einar Logi Pét­urs­son segir að hann muni ekki brjót­ast inn í fleiri bú og ætli héðan í frá að berj­ast fyrir dýrum á lög­legan hátt.

Einar Logi Pétursson
Einar Logi Pét­urs­son Einar Logi segir að eftir fyrstu inn­brotin hafi hann ákveðið að leggja áherslu á að taka upp aðstæður í búunum og birta mynd­skeiðin á sam­fé­lags­miðlum. Mynd: Aðsend

Einar Logi Pét­urs­son seg­ist hafa ákveðið að brjót­ast inn í svína- og kjúklingabú eftir að hafa horft á heim­ild­ar­mynd­ina Dominion. Hann segir að hann muni ekki ráð­ast í fleiri inn­brot og ætli héðan í frá að berj­ast fyrir dýrin á lög­legan hátt.

Einar Logi Pét­urs­son, sem komst í frétt­irnar í gær eftir að hafa birt mynd­skeið úr inn­broti sínu í svínabú Stjörnu­gríss á Kjal­ar­nesi, segir að ástæðan fyrir aðgerð­unum hafi verið löng ástríða hans fyrir dýrum og sú sann­fær­ing að hann yrði að gera eitt­hvað til að breyta aðbún­aði þeirra.

Í sam­tali við Mannlíf segir Einar Logi að hann hafi alltaf elskað dýr, allt frá því hann var barn. Hann hafi þó ekki gert sér fulla grein fyrir því hversu slæmur aðbún­að­ur­inn væri í svína- og kjúklinga­búum fyrr en hann kynnt­ist mál­inu betur.

Það hafi verið áhorf á heim­ild­ar­mynd­ina Dominion á síð­asta ári sem varð til þess að hann ákvað að láta til sín taka.

„Eftir að ég horfði á hana þá fannst mér ekki nóg fyrir mig að vera bara vegan, mér leið illa eftir að horfa á hana og ég vissi að ég þurfti að gera eitt­hvað til þess að breyta hvernig þetta er í dag,“ segir hann.

Í kjöl­farið hafi hann ákveðið að mót­mæla með því að fara inn í svína- og kjúklingabú og hleypa dýr­unum út.

Eftir fyrstu tvö inn­brotin, í svína­búið á Kjal­ar­nesi og Reykja­búið, hafi hann hins vegar áttað sig á því að það hefði tak­mark­aðan til­gang að hleypa dýr­unum út.

„Þá ákvað ég að aðal­mark­mið mitt yrði að taka upp í búunum og birta upp­tök­urnar á sam­fé­lags­miðlum,“ segir Einar Logi.

„Það er alls ekki hryðjuverk að hleypa dýrum út“

For­stjóri Stjörnu­gríss hefur gagn­rýnt Einar Loga harð­lega og líkt honum við Hamas-liða í sam­tali við Vísi. Þar sagði hann Einar Loga birta mynd af sér sem dýr­lingi og fremja síðan hryðju­verk.

Einar Logi segir sam­an­burð­inn gal­inn.

„Mér finnst alveg galið að for­stjóri Stjörnu­gríss sé að líkja mér við Hamas-liða, það er alls ekki hryðju­verk að hleypa dýrum út úr þröngum búrum. Þessi dýr eiga að vera frjáls til þess að byrja með.“

Hann seg­ist skilja að fólki finn­ist aðgerðir hans öfga­fullar, en telur að aðstæður svín­anna rétt­læti aðgerð­irnar.

„Ég skil að fólk hugsar um að þetta sem ég gerði sé öfga­fullt, mér finnst það líka, en það sem þessir svína­bændur eru að gera við svínin á bak við lok­aðar dyr er það hræði­legt að eina leiðin sem mér fannst að gæti virkað til að breyta þessu er að brjót­ast inn og taka upp aðstæð­urnar þarna inni.“

Segir svínin hafa verið dauð áður en hann kom

For­stjóri Stjörnu­gríss hefur jafn­framt sagt að Einar Logi hafi valdið miklum skaða á dýrum þegar hann braust inn og opn­aði stíur. Sagði for­stjór­inn meðal ann­ars að nær allir grísir hefðu drep­ist í kjöl­farið, nokkrar gyltur misst fóstur og slátrað hefði þurft nokkrum dýrum.

Einar Logi seg­ist ekki sjá mikið eftir því sem hann gerði. Hann við­ur­kennir þó að það hafi ekki mik­inn til­gang að hleypa dýr­unum út.

„Auðvitað er ekki mik­ill til­gangur í því að hleypa þessum dýrum út, en mér finnst það ekki vera glæpur að gera það.“

Hann segir frétta­flutn­ing af dauða svín­anna hafa gefið ranga mynd af því sem gerð­ist.

„Frétt­irnar létu þetta líta út fyrir að vera miklu verra en það var. Þær sögðu að svín hefðu dáið eftir að ég hleypti þeim út, en þau voru þegar dauð þegar ég kom á stað­inn.“

Hann segir svín vera ljúf og gáfuð dýr sem eigi betra skilið en þann aðbúnað sem þau búi við í dag.

„Ég mun ekki brjótast inn í fleiri bú“

Einar Logi segir við­brögðin við mynd­skeið­unum á sam­fé­lags­miðlum hafa verið nær ein­göngu jákvæð.

„Ég hef fengið nán­ast ein­ungis góð við­brögð eftir að ég setti víd­eóin inn á sam­fé­lags­miðla. Auðvitað eru ein­hver hate komment líka eins og á nán­ast öllum fréttum en maður auð­vitað tekur það ekk­ert nærri sér.“

Aðspurður hvort hann hygg­ist brjót­ast inn í fleiri bú er svarið afdrátt­ar­laust nei.

„Nei, ég mun ekki brjót­ast inn í fleiri bú, héðan í frá ætla ég bara að berj­ast fyrir dýrin á lög­leg­ann hátt.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Fólk

Björgvin Franz fagnar eins árs sam­bands­af­mæli með kærust­unni

„Lífið er svo miklu betra með þér“
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Talninga-Tómas verður Dómara-Tómas

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ók á 126 km hraða þar sem hámarkið er 80

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu