Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Yfirlýsing kvennanna í heild sinni: „Sölvi rauk þá upp og hrinti mér í gólfið“

Tvær konur hafa leitað til lög­reglu vegna meints ofbeldis af hálfu Sölva Tryggva­sonar. Þetta kemur fram í yfir­lýs­ingu sem lög­mað­ur­inn Kristrún Elsa Harð­ar­dóttir, sem send var að beiðni kvenn­ana. Kristrún segir umbjóð­endur sína kjósa að koma ekki fram undir nafni.

Í yfir­lýs­ing­unni kemur fram að önnur konan hefur kært Sölva fyrir lík­ams­árás. Hún segir atvikið hafa átt sér stað á heim­ili hennar þann 14. mars síð­ast­lið­inn. Lögregla kom á vett­vang. Farið var með Sölva á lög­reglu­stöð og skýrsla tekin af honum þar.

Þá segir einnig í yfir­lýs­ingu Kristrúnar að önnur kona til sín í dag í kjöl­far fréttaum­fjöll­unnar síð­ustu daga.

Sjá einnig: Catalina hótar Sölva – Kallar hann lygara og seg­ist ætla birta við­kvæm gögn: „Ég mun dreifa öllu“

Hér er yfir­lýs­ing kvenn­anna í heild sinni:

Und­ir­rituð getur stað­fest það að til mín hafa leitað tvær konur sem lýst hafa ofbeldi af hálfu Sölva Tryggva­sonar fjöl­miðla­manns.

Önnur konan hefur kært Sölva fyrir lík­ams­árás. Hún kveður atvikið hafa átt sér stað á heim­ili hennar hinn 14. mars sl. Lögregla kom á vett­vang. Farið var með Sölva á lög­reglu­stöð og skýrsla tekin af honum þar. Síðar um kvöldið var tekin skýrsla af umbjóð­anda mínum á heim­ili hennar.

Hin konan leit­aði til mín fyrst í dag eftir að hafa fylgst með fjöl­miðlaum­fjöllun síð­ustu daga. Hún kveðst hafa orðið fyrir kyn­ferð­is­broti af hálfu Sölva á heim­ili hans hinn 22. júní 2020 og kveðst loks nú hafa hug­rekki til að kæra brotið til lög­reglu. Beiðni um skýrslu­töku til að leggja fram kæru hefur þegar verið send lög­reglu. Sú kona kveðst hafa kynnst Sölva á Tinder og hafi sagt honum að hún væri með reikn­ing á Onlyfans. Hann hafi þá boð­ist til að vera með henni í mynd­bandi án þess að sæist í and­lit hans en hún hafi þá sagt honum að hún ynni ein­göngu með ein­stak­lingum sem hún þekkir og treystir.

Í fram­haldi kveður hún þau hafa ákveðið að hitt­ast á heim­ili Sölva til að kynn­ast og spjalla. Sú heim­sókn end­aði að hennar sögn með því að hann braut á henni kyn­ferð­is­lega.

Umbjóð­endur mínir kjósa að koma ekki fram undir nafni þar sem um þjóð­þekktan mann er að ræða og vilja þær ekki beina athygli fjöl­miðla að sinni per­sónu. Þær segja hins­vegar að það sé þeirra sam­fé­lags­lega skylda að leiða sann­leik­ann í ljós.

Með­fylgj­andi er yfir­lýs­ing frá öðrum umbjóð­anda mínum vegna máls­ins sem hún óskaði eftir að ég kæmi á fram­færi við fjöl­miðla:

„Ég hafði ekki séð fyrir mér að tjá mig um þetta mál í fjöl­miðlum. Mér finnst ég hins­vegar til­neydd til þess að gera það þar sem að Sölvi kom fram í hlað­varps­þætti sínum í gær­kvöld og ræddi um okkar sam­band og atvik sem átti sér stað hinn 14. mars sl. Þar fór hann með rangt mál og þykir mér nauð­syn­legt að leið­rétta það sem þar kom fram. Ég er ekki að stíga fram til þess að ráð­ast á hann. Það er hins­vegar mik­il­vægt að sann­leik­ur­inn komi í ljós.

Það er rétt að við Sölvi áttum í ást­ar­sam­bandi í rúma fjóra mán­uði. Sam­bandið var litað af and­legu ofbeldi hans í minn garð og dómer­andi per­sónu­leika hans. Hann sýndi mér sífellt meiri yfir­gang eftir því sem leið á sam­bandið. Þá sýndi hann mér einnig yfir­gang í kyn­lífi og spurði mig tví­vegis á meðan á því stóð hvort ég vildi að hann nauðg­aði mér. Það fyllti mig við­bjóði og óör­yggi í sam­skiptum við hann. Í lok jan­úar 2021 fórum við saman í bústað­ar­ferð sem end­aði með því að hann tók brjál­æðiskast og ég varð mjög hrædd. Eftir það töl­uðum við lítið sem ekk­ert saman í mánuð.

Í byrjun mars 2021 fórum við að tala saman aftur. Hinn 14. mars sl. kom Sölvi til mín, við fórum í göngutúr og stopp­uðum til að ræða málin. Hann fór þá að segja að hann vildi þetta sam­band ekki lengur. Ég sagði þá að hann ætti ekki að vera í sam­bandi sem hann vildi ekki og gekk í burtu. Hann brjál­að­ist þá og öskr­aði á mig að koma til baka. Þá var fólk á hest­baki sem fór þarna hjá og ætti að hafa heyrt hvað gekk á. Við öskrin og upp­námið varð ég hrædd og hringdi í vin­konu mína og bað hana að sækja mig.

Eftir að vin­kona mín kom þá fatt­aði ég að lykl­arnir mínir voru í bílnum hans og ég þurfti að fara til baka og sækja þá. Hann náði þá að sann­færa mig um að fara með honum aftur heim til mín. Hann sótti mat og við borð­uðum. Eftir það fór hann aftur að tjá mér að hann vildi þetta sam­band ekki lengur. Ég sagði það gott og vel. Svo virt­ist þá sem hann væri ósáttur með hversu lítil við­brögð mín voru og tjáði ég honum þá að mér þætti hann ekki vera góð mann­eskja. Hann væri með grímu úti í sam­fé­lag­inu og að fólk vissi ekki hver hann væri í raun og veru. Ég bað hann þá að fara, yfir­gefa heim­ili mitt en hann neit­aði því. Ég sagði honum þá að ég myndi segja öllum hvaða mann hann hefði að geyma.

Sölvi rauk þá upp og hrinti mér í gólfið. Þegar ég stóð upp þá tók hann mig háls­taki með báðum höndum og sagði mér að taka þetta til baka en ég neit­aði. Hann sleppti þá tak­inu og hringdi í lög­reglu og til­kynnti að hér væri mann­eskja að hóta honum að eyði­leggja mann­orð hans. Þá kom lög­regla á stað­inn og ég greindi þeim frá ofbeld­inu sem hafði átt sér stað. Farið var með Sölva á lög­reglu­stöð í skýrslu­töku og síðar um kvöldið var tekin skýrsla af mér á heim­ili mínu.

Ég vil taka fram að ég veit ekki hvaðan sú saga sem nú er í fjöl­miðlum er til­komin en hún kemur ekki frá mér. Ég er ekki vænd­is­kona og atvikið sem um ræðir átti sér stað 14. mars sl. en ekki fyrir tveimur vikum. Hvort fleiri atvik hafi átt sér stað með öðrum konum er eitt­hvað sem Sölvi þarf að svara fyrir en ekki ég.

Að end­ingu vil ég óska eftir því að fjöl­miðlar birti ekki nafn mitt af til­lit­semi við fjöl­skyldu mína.“

Með kveðju,

Kristrún Elsa Harð­ar­dóttir, lög­maður

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Þrír féllu þegar dróni réðst á bíl við mat­ar­út­hlutun á Gaza

Bíllinn hafði stoppað til að gefa börnum mat og drykk.
Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Innlent

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Starfsmenn urðu fljótt varir við árásina og gripu inn í áður en árásarmennirnir gátu valdið frekara tjóni, að sögn framkvæmdastjóra fyrirtækisins.

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu

Talninga-Tómas verður Dómara-Tómas

Innkalla leik­fang úr Tiger vegna köfn­un­ar­hættu