Sex sekúndur á dag geta gert kraftaverk. Sara Dögg Eiríksdóttir, félagsráðgjafi og fjölskyldufræðingur hjá Samskiptastöðinni, gefur einfalt en afar gagnlegt ráð í sínum nýjasta pistli.
Hún segir að sex sekúndur á dag geta gert kraftaverk fyrir sambandið. Hún segir að í amstri dagsins geti oft reynst erfitt að finna tíma til að sinna makanum en nokkrar sekúndur er stundum allt sem þarf til að halda neistanum í sambandinu.
„En áttu sex sekúndur til aflögu daglega?“ spyr Sara. Hún segir svarið hjá flestum hljóta að vera já. Þessar umræddu sex sekúndur á að nýta í koss.
Sara segir kossa sem vara í sex sekúndur virka öðruvísi á okkur heldur en kossar sem endast í eina eða tvær sekúndur. „Það er eitthvað sem gerist í líkamanum með því að kyssast í sex sekúndur,“ skrifar hún. Hún vísar í niðurstöður rannsókna sérfræðingsins John Gottman sem hefur rannsakað parasambönd í áratugi.
Hún mælir með að fólk prófi að kyssa maka sinn í sex sekúndur á dag í mánuð til að byrja með og sjái hvaða áhrif það hefur. „Bara á þessum stutta tíma finnur þú betri og dýpri tengingu við maka þinn og líkami ykkar beggja slakar á.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir