Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Inni í eldfjalli

Ólafur Þór Júlíusson inni í Þríhnjúkagíg. Mynd/Ragnhildur Aðalsteinsdóttir
Ólafur Þór Júl­í­us­son inni í Þrí­hnjúka­gíg. Mynd/Ragn­hildur Aðal­steins­dóttir
Mynd/Ragn­hildur Aðal­steins­dóttir

Skammt frá skíða­svæð­inu í Blá­fjöllum er Þrí­hnjúka­gígur, eina eld­fjallið sem vitað er um að hægt sé að skoða að inn­an­verðu. Gígurinn er alls um 170 metra djúpur og fyrir átta árum tóku þrír ævin­týra­menn sig til og hófu að bjóða upp á ferðir niður í gíg­inn með lyftu. Vikan fór í slíka ferð á dög­unum og hitti meðal ann­ars Ólaf Þór Júl­í­us­son, einn af eig­endum Inside the Volcano. 

Gangan frá skíða­svæð­inu að gígnum tekur um 35 mín­útur, stoppað er tvisvar og við fáum ýmsan fróð­leik beint í æð. „Gígurinn er um 4000 þús­und ára gam­all og eld­fjallið hefur legið í dvala síðan þá, það er ólík­legt að það vakni akkúrat í dag, en aldrei að vita,“ segir Ragnar Ísleifur Bragason leið­sögu­maður meðal ann­ars í gam­an­sömum tóni. Veðrið er gott þennan dag en það getur verið ansi áveðra­samt, mik­ill vindur og rign­ing en svæðið er eitt það rign­inga­mesta á land­inu öllu.

Lyftan flutt með þyrlu

Hópnum er skipt í minni hópa þar sem við getum eðli­lega ekki farið öll niður með lyft­unni í einu. Kristján er far­inn að gera lyft­urnar klárar en ég næ að hitta á Ólaf Þór Júl­í­us­son og spyrja hann aðeins út í þetta mikla ævin­týri sem átti sér tölu­verðan aðdrag­anda áður en opnað var fyrir ferða­menn 2012. „Fyrsti leið­ang­ur­inn í gíg­inn var far­inn árið 1974 þegar Árni B. Stef­áns­son augn­læknir lét tíu vini sína slaka sér niður með kaðli. Fyrir þann tíma var ekki vitað hvað var þarna niðri og hversu djúpur gíg­ur­inn var. Hann var ekki lengi niðri enda voru þeir ekki með tal­stöð og menn vissu ekk­ert hvernig ástandið var þarna þannig að Árni var fljót­lega tog­aður upp aftur. Hann var heldur ekki með gott ljós þannig að hann sá ekki lita­dýrð­ina og sagði þegar upp kom að honum þætti þetta ekk­ert merki­legt,“ segir Ólafur hlæj­andi.

„Fyrsti leið­ang­ur­inn í gíg­inn var far­inn árið 1974 þegar Árni B. Stef­áns­son augn­læknir lét tíu vini sína slaka sér niður með kaðli.“
Mynd/Ragn­hildur Aðal­steins­dóttir

Með­eig­endur hans að Inside the Volcano eru þeir Björn Ólafsson og Einar Kristján Stef­áns­son en þeir hafa allir verið í fjalla­mennsku frá barns­aldri. Einar Kristján er einn af eig­endum verk­fræði­stof­unnar VSÓ en það var árið 2004 sem hann, Björn og áður­nefndur Árni B. Stef­áns­son stofn­uðu félagið Þrí­hnjúka ehf. og hófu, í sam­vinnu við VSÓ, athug­anir á raun­hæfi þess að gera Þrí­hnjúka­gíg aðgengi­legan almenn­ingi og ekki síður að tryggja að gíg­ur­inn og umhverfi hans verði varð­veitt. Meðal þess sem komið hefur úr þeirri vinnu er teikn­ing af 350 metra löngum göngum sem liggja inn í gíg­inn að útsýnis­palli í um það bil 50 metra hæð inni í gígnum. Vera má að þetta verði ein­hvern tíma að veru­leika en hins vegar var ráð­ist í þá verk­fræði­legu fram­kvæmd að smíða lyftu sem sígur niður í gíg­inn. „Mikið vatn hefur runnið til sjávar síðan við gerðum fyrstu lyft­una sem tekin var í notkun í tengslum við komu fjöl­miðla­fólks frá National Geographic árið 2008. Lyftan hefur verið betrumbætt mikið síðan og eftir að við opn­uðum form­lega fyrir ferða­fólk árið 2012 erum við á þriðju ver­sjón af lyftu. Til að koma öllu sem henni teng­ist hingað að gígnum notum við þyrlu Land­helg­is­gæsl­unnar og það sama á við um allt sem teng­ist aðstöðu­hús­unum, allt er flutt hingað með þyrlu eða með snjó­bíl yfir hávet­ur­inn. Hingað má ekk­ert far­ar­tæki keyra,“ bætir Ólafur við.

Stórkostleg litadýrð

Mynd/Ragn­hildur Aðal­steins­dóttir

Þegar búið er að fara yfir örygg­is­at­riði, fara á kló­settið og jafn­vel klæða sig betur er komið að því að fara í gíg­inn. Hita­stigið niðri er í kringum 3°C allan árs­ins hring og ef ein­hverjir hafa gleymt hlýjum fötum þá er eitt­hvað slíkt til sölu í aðstöðu­húsi við gíg­inn, auk minja­gripa. Allir fara í nokk­urs konar klif­ur­belti og fá hjálm á höf­uðið. Ástæðan fyrir klif­ur­belt­inu er að allir eru festir við brúna að lyft­unni og við lyft­una sjálfa til að gæta fyllsta öryggis. Um 120 metrar eru niður á botn­inn sem lyftan fer en gíg­ur­inn liggur sjálfur tölu­vert neðar. Sóley Ólafs­dóttir leið­sögu­maður fylgir okkur að gígnum og Kristján Maack stýrir lyft­unni niður. Svo er sigið af stað, fyrst í gegnum þröng göngin efst í gígnum og strax förum við að sjá fal­legar hraun­mynd­anir. Þegar búið er að síga um 50 metra opn­ast sjálf hvelf­ingin sem er gríð­ar­stór. Búið er að lýsa hana að innan og lita­dýrðin sem blasir við er stór­kost­leg. Botninn er veru­lega grýttur en útbúnir hafa verið göngu­stíga til að auð­velda fólki göng­una þar og passa upp á öryggi þess. Hver hópur er í 45 mín­útur niðri í gígnum og er „frjáls ferða sinna“ á meðan. Ragnar er samt sem áður til staðar og til­bú­inn að svara spurn­ingum og rétta hjálp­ar­hönd í hví­vetna – ekki síst við að taka myndir af frá sér numdum gestum. Ég við­ur­kenni að upp­lifunin er hálf­óraun­veru­leg, svo magnað er að vera stödd á þessum ein­staka stað. Ég er í síð­asta hópnum til að fara upp og þá hefur Ólafur tekið við stýr­inu, ef svo má að orði kom­ast. Ég rétt næ að kalla hann frá borði til að geta smellt af honum mynd og síðan lyft­umst við löt­ur­hægt til baka upp á yfir­borð jarðar.

Það er virki­lega gott að koma aftur inn í hlýtt og nota­legt aðstöðu­húsið við gíg­inn þar sem Jónas tekur á móti okkur með rjúk­andi heita súp­una. Gott að fá þessa kjarn­góðu nær­ingu og hlýju í kropp­inn. Eftir nær­ingu og gott spjall er svo bara að ganga þessa þrjá kíló­metra til baka að bíl­unum, njóta ferskrar gol­unnar og hug­leiða þessa ein­stöku heim­sókn sem heilt yfir var dásam­leg upp­lifun frá upp­hafi til enda sem sann­ar­lega er hægt að mæla með.

Myndir: Ragn­hildur Aðal­steins­dóttir

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Fólk

Sáttasex leysir ekki ágrein­ing­inn

Hjónabandsráðgjafinn Molly Mindel segir að kynlíf eftir rifrildi geti aukið nánd en komi ekki í stað samtals um það sem olli ágreiningnum.

Ald­ar­gam­alt hús sem hýsti hverf­is­verslun til sölu í Laug­ar­nesi

„Nið­ur­lægj­andi að smækka fólk niður í tölur“

Notalegt fjöl­skyldu­hús með nægu rými úti og inni til sölu

„Í dag eru tíu ár síðan ég varð fyrir nauðgun“

Lyf í töflu­formi vekur vonir um hæg­ari fram­gang Alzheimers