Börkur ákvað að gúggla sjálfan sig og krossbrá: „Ég hef aldrei á ævinni haldið framhjá“

Rit­höf­und­ur­inn, fjöl­miðla­mað­ur­inn og fyrr­ver­andi póli­tíkus, Börkur Gunn­ars­son, situr mik­il­vægan fund á morgun. Í ljósi þess ákvað hann að gúggla þann sem situr með honum fund­inn. Þá taldi hann lýkur á því að honum sjálfum yrði flett upp í leit­ar­vél­inni. Til að hafa vaðið fyrir neðan sig sló Börkur inn nafni sínu í leit­ar­vél­ina til að sjá hvað hinn fund­ar­gest­ur­inn myndi mögu­lega finna um hann á Inter­net­inu. Börkur segir:

„[Mér] kross­brá þegar ég sá ofar­lega þessa frétt sem birt­ist fyrir rúmu hálfu ári og ég hafði ekki hug­mynd um. Í frétt­inni er skrifað: Börkur segir af bit­urri reynslu:

Berki er mikið niðri fyrir og kveðst aldrei hafa haldið fram­hjá.

„Ég hef nota bene aldrei á ævinni haldið fram­hjá, þetta var grín sem ég lét útúr mér um að halda fram­hjá upp­á­halds­matnum mínum,“ segir Börkur og deilir þess­ari gömlu frétt.

Sjá einnig: Mikilvæg skilaboð til þjóðarinnar – Ekki halda framhjá

Um er að ræði frétt af vef Mannlífs og þar er vitnað í færslu á sam­fé­lags­miðlum þar sem Börkur greinir frá því að hafa keypt sér danskar sard­ínur í dós og segir vör­una versta við­bjóð sem hann hafi smakkað. Þar er haft eftir Berki:

Þá segir Börkur á öðrum stað í sömu frétt: „Maður á ekk­ert að vera að halda fram­hjá Ora og íslensku sard­ín­unum.“

En vand­ræðum Barkar er þó ekki lokið. Fjöl­miðla­konan Hugrún Hall­dórs­dóttir tjáir sig á Facebook-síðu hans og kveðst einnig hafa gúgglað Börk og fundið þar „vafa­sama ger­sem“. Þar kemur upp fyr­ir­sögn á DV, Börkur smyglaði óvart hassi til Íslands. Í því við­tali kveðst Börkur hafa verið nán­ast eini nem­andi skól­ans sem ekki fiktaði við fíkni­efni.

„Félagar mínir voru alltaf að reyna að fá mig til að prufa sem ég afþakk­aði. Ein vin­kona mín úr leik­stjóra­deild­inni gekk svo langt að gefa mér í afmæl­is­gjöf hass og heimt­aði að ég pru­faði þetta. Ég hló bara, þakk­aði fyrir gjöf­ina, stakk þessu í vas­ann og hélt mig við áfengið,“ er haft eftir Berki í við­tal­inu. Börkur end­aði svo fyrir slysni að taka hassmol­ann með sér til Íslands.

Fund­ur­inn fyrir morg­un­dag­inn hjá Berki, lítur því ekki alltof vel út. Börkur segir um þennan fund Hugrúnar á Google:

„Þar sem meiri­hluti les­enda rennir aðeins yfir fyr­ir­sagnir má ljóst vera að ég sé dópisti og eit­ur­lyfja­smygl­ari sem heldur fram­hjá kon­unni sinni. Ja, hérna. Alltaf lærir maður eitt­hvað nýtt um sjálfan sig.“

Þá bætir Börkur við af mjög bit­urri reynslu að ekki borgi sig á sam­fé­lags­miðlum að …