Alls voru 95 mál skráð hjá lögreglunni á höfuðborgarsvæðinu frá klukkan 17:00 í gær til 05:00 í morgun og gistu fimm aðilar fangageymslur hennar. Hér má sjá nokkur dæmi um verkefni lögreglunnar á tímabilinu.
Sauðdrukkinn og út úr dópaður ökumaður var stöðvaður í hverfi 105 í Reykjavík þar sem hann ók á móti umferð.
Á skemmtistað í miðborginni var óskað eftir liðsinni lögreglu en þá hafði kona dottið niður stiga. Var hún flutt á bráðamóttökuna með sjúkrabíl.
Í Múlunum í Reykjavík var aðili handtekinn og vistaður í fangaklefa vegna líkamsárásar.
Einnig var aðili handtekinn í miðborginni þar sem hann var að selja fíkniefna. Gat dópsalinn ekki framvísað skilríkjum eða gert grein fyrir sig með öðrum hætti.
Aukreitis féll kona fram fyrir sig með þeim afleiðingum að hún slasaði í andliti. Var hún flutt á bráðamóttöku með sjúkrabíl.
Þá var aðili handtekinn í miðborginni handtekinn eftir að hafa stungið mann fyrir utan skemmtistað. Árásarþolinn var fluttur með sjúkrabíl á bráðamóttökuna en ekki liggur fyrir um alvarleika áverkana. Árásarmaðurinn var vistaður í fangaklefa.
Að lokum var aðili handtekinn í Mosfellsbæ vegna framleiðslu fíkniefna. Var ræktunin tekin niður og lagt hald á efni og búnað.
Athugasemdir