Það er nokkuð vandræðalegt að fylgjast með nýjum meirihluta halda því fram að honum hafi tekist að klára hinn fræga verkefnalista sem settur var fram þegar meirihlutinn var stofnaður fyrr á árinu. Hildur Björnsdóttir, borgarstjóri Reykjavíkur, mætti í viðtal á RÚV eldhress og glöð með árangurinn.
Vandamálið er hins vegar að þrátt fyrir að merkja við slíkt á heimasíðu gerir það það hins vegar ekki að sannleika eins og Reykvíkingar hafa tekið eftir.
Sem dæmi má nefna „Við ætlum að fjarlægja aðskotahluti úr bílastæðum í miðborg“ en slíkt er í besta falli hálfsannleikur. Flokkurinn gerði sérstakt kosningamyndband þar sem Hildur stóð fyrir framan meinta aðskotahluti við Ingólfstorg. Þeir eru allir ennþá til staðar. Vel má vera að einhver „aðskotahlutur“ hafi verið fjarlægður úr miðborginni en verkinu er langt því frá lokið.
Þá er hægt að nefna fjölda huglægra loforða sem engan veginn er hægt að fullyrða um. „Við ætlum að bæta umhirðu borgarlandsins. Hrein torg, fögur borg“ er dæmi um slíkt og svo má ekki gleyma hinu óljósa „Við ætlum að treysta markaðnum til að byggja húsnæði sem eftirspurn er eftir.“
Meirihlutinn hefur klárlega gert vel í að standa við loforð sín en að halda því fram að öllum verkefnum sé lokið sem stóð til að klára á fyrstu 100 dögunum er móðgun við borgarbúa.
Athugasemdir