Það styttist óðum í hrekkjavöku og því ekki seinna vænna að fara að huga að nammiskálinni fyrir litlu draugana, nornirnar og skrímslin sem gætu bankað upp á. Það er auðvitað misjafnt hvað krakkarnir vilja sjá detta ofan í pokann en sumt nammi er einfaldlega líklegra til vinsælda en annað.
Hér eru tíu góðir kostir sem Mannlíf hefur tekið saman fyrir þá sem ætla að vera vel undirbúnir þegar hrekkjavakan gengur í garð.
1. Grænt epli
Náttúrulegt nammi sem kemur með ferskan og stökkan mótleik við allt súkkulaðið og sykurinn sem fylgir hrekkjavökunni.
2. Twix Mini
Súkkulaði, karamella og kex í einum litlum bita. Einfalt, klassískt og erfitt að klikka á.
3. Haribo smápokar
Litlu Haribo pokarnir eru nánast sniðnir að hrekkjavökunni og henta sérstaklega vel þeim sem kjósa hlaupnammi fram yfir súkkulaði.
4. Skittles
Litríkir og ávaxtakenndir molar sem gefa nammipokanum smá lit og góða tilbreytingu frá öllu súkkulaðinu.
5. Sour Patch Kids
Fyrst súrt og svo sætt. Góður kostur fyrir krakka sem vilja að nammið bíti aðeins á móti.
6. Snickers Mini
Gamli góði Snickers í hentugri smáútgáfu með súkkulaði, karamellu, hnetum og núggati.
7. Prince Polo
Stökk vöffla með súkkulaðihjúp sem er einföld, góð og einstaklega hentug til að lauma ofan í hrekkjavökupokann.
8. Fylltar lakkrísreimar
Miðjan fyllt og lakkrísinn mjúkur. Góður kostur fyrir þá sem vilja íslenska lakkríshefð með í hrekkjavökufjörið.
9. Nóa Trítlar Sykraðir Súrir
Súrir Trítlar ættu að hitta beint í mark hjá þeim sem sækja sérstaklega í súrt nammi.
10. Eitt Sett í bitum
Súkkulaði og lakkrís er rammíslensk blanda sem á fullt erindi í hrekkjavökuskálina og lokar listanum með stæl.
Athugasemdir