Jóhannes Haukur Jóhannesson leikari fer með stórleik í kvikmyndinni Masters of the Universe sem var frumsýnd í Los Angeles á dögunum. Hollywoodstjörnur eru áberandi í myndinni en þar á meðal leika tveir Íslendingar, þeir Jóhannes Haukur Jóhannesson og Hafþór Júlíus Björnsson. Jóhannes Haukur fer með stórt hlutverk en hann leikur Fisto og vöðvatröllið Hafþór Júlíus, oft kallaður Fjallið, fer með minna hlutverk en hann leikur geitamanninn.

Mikið hefur verið rætt um He-Man myndina á samfélagsmiðlum en þar spyr einn aðdáandi á Instagram Jóhannes hvort hann hefði fengið að eiga járnhnefann sem hann er með í myndinni. Jóhannes svarar sár að það hafi ekki verið svo.

Hins vegar hafi sex járnhnefar verið gerðir fyrir karakter Jóhanness, þrír hnefar þar sem hann hafi getað hreyft vel fingurna og úlnliðinn og þrír mýkri hnefar sem voru alveg lokaðir og tilbúnir fyrir bardagann.

Jóhannes svaraði manninum og segist hafa spurt tökuliðið kurteislega hvort það væri hægt að líta fram hjá einum hnefa en hann hafi fengið blákalt nei. Allir munir sem notaðir voru á tökustað þurfi að vera skráðir inn í kerfið og settir í geymslu.