Allt frá sniglaslími til býflugnapeptíða, þá segir samkvæmt Vogue British að suðurkóresku húðvörumerkin blandi saman hefðbundnum hráefnum og nýjustu tækni. „Í Suður-Kóreu er löng og rík hefð fyrir húðumhirðu sem hefur skilað sér í mjög vel upplýstum neytendahópi,“ segir Alicia Yoon, stofnandi Peach and Lily húðvörumerkisins. Þessi eftirspurn hefur byggt upp harða samkeppni og gert Suður-Kóreu að alþjóðlegri miðstöð fyrir nýsköpun í húðvörum.

Hvort sem markmiðið er að vinna gegn litabreytingum, roða eða einfaldlega að viðhalda svokölluðum „gloss húðar“ ljóma (e. glass skin), þá eru K-beauty vörurnar svo áhrifaríkar að viðskiptavinir um allan heim fá ekki nóg.

Virkar suðurkóresk húðumhirða?

Ólíkt sumum vestrænum húðmeðferðum, sem snúast um að laga það sem þegar er skemmt, þá leggur suðurkóresk húðumhirða áherslu á forvarnir. „Suðurkóresk húðumhirða er form af sjálfsumhyggju, byggð á þeirri staðreynd að húðin er stærsta líffæri líkamans,“ segir Yoon. „Áherslan er á langtímaárangur í stað skyndilausna yfir nótt.“ Þess vegna eru suðurkóreskar aðferðir mun mildari fyrir húðina en þær vestrænu og er rakagjöf talin einn af lykilþáttunum.

„Suðurkóresk snyrtivörumerki nota mild hráefni og einblína meira á viðkvæmar húðgerðir,“ bætir K-beauty sérfræðingurinn Elisa Lee við.

Af hverju er suðurkóresk húðumhirða svona góð?

„K-beauty er rótgróið í heildrænni vellíðan,“ segir Sarah Oh, sérfræðingur. „Húðvörur sem eru góðar eiga líka að láta þér líða vel!“

„Það er líka mikil áhersla á nýsköpun,“ bætir Coco Park við. „Suðurkóresk húðumhirða er enn svona fimm til sjö árum á undan vestrænum vörum.“ Landið er þekkt fyrir ítarlega margra skrefa rútínu, svo sem 10-skrefa rútínuna.

Hver eru bestu kóresku vörumerkin?

Það eru til yfir 20.000 suðurkóresk húðvörumerki. Stærstu vörumerkin tilheyra risafyrirtækjunum LG H&H og Amore Pacific. Vinsældir ráðast af húðgerð og smekk. „Það eru til klassísk merki eins og Missha sem hafa verið lengi til og höfða til eldri hópa,“ segir Park. „En það eru líka yngri og ódýrari merki eins og Cosrx, Axis-Y eða Etude House.“ Önnur vinsæl merki eru Laneige, Banila Co, Dr Jart, Round Lab, Aestura og Abib.

Samkvæmt Vogue eru þetta bestu suðurkóresku húðvörurnar:

• Hreinsun: Haruharu Wonder Black Rice Gel, Sulwhasoo Gentle Oil, Arencia Rice Mochi, og COSRX AC Foam.
• Skrúbbar: Medicube Zero Pore Pads og Dr. Jart+ Pore Remedy Serum.
• Andlitsvatn/Kjarnar: COSRX Snail 96 Mucin og Laneige Cream Skin Toner.
• Serúm/Ampúlur: Innisfree Green Tea, Skin1004 Centella, iUNIK Beta-Glucan, og Anua Niacinamide.
• Augnkrem: Erborian Skin Therapy og Haruharu Wonder Bakuchiol.
• Rakakrem: COSRX Snail 92, Dr. Jart+ Ceramidin, Etude Soon Jung, og CENTELLIAN 24 Madeca.
• Maskar: Medicube Collagen Mask og Mediheal Madecassoside.
• Sólvarnir: Beauty Of Joseon Relief Sun og Thank You Farmer Water Sun Cream.
• Húðvörutól: Medicube Age-R Booster Pro.