Hlaðvarpið Tvær taktlausar hefur verið að fá meiri og meiri athygli undanfarna mánuði en þáttastjórnendur eru þær Íris Kristín Smith, grunnskólakennari og grínisti, og Kristín Viðarsdóttir, kjarnastjóri á leikskóla.
Þátturinn þykir vera með þeim fyndnari sem eru í gangi í dag en í nýjasta þættinum ræða Kristín og Íris meðal annars um sumarið sem er fram undan, hvar þær myndu vilja búa og margt fleira.
Í þættinum ræða þær einnig mögulegt forsetaframboð Írisar en síðasta skipti þegar haldnar voru forsetakosningar átti Íris afmæli.
Brot úr þættinum
Kristín: Það þýðir eitt. Fertugsafmælið verður haldið á Bessastöðum hjá þér.
Íris: Ó já, veistu ég væri svo flottur forseti.
Kristín: Ég get þá örugglega sannfært konuna um að flytja á Álftanesið líka. Við getum verið nálægt.
Íris: Það er líka eitthvað fyndið að hugsa út í það. Segjum að ég færi eitthvað að bjóða mig fram sem forseta. Maður skoðar þá sem eru að bjóða sig fram og eru efnilegir. Svona eins og Halla og Katrín Jakobsdóttir og svona. Svo kæmi ég eitthvað og reynslan mín er: Vann hjá Fram á sumarnámskeiðum í tíu ár og svo hin 10 árin hef ég verið kennari. Já, that's it.
Kristín: Ég held að það væri bara ferskur andblær sem þarf.
Íris: Ég er allavega mjög góð að stjórna hóp, ég get sagt það.
Kristín: Hvað þá heilu landi.
Íris: Veistu, ég held ég væri langbest að stjórna þessu landi ef ég á að segja alveg eins og er.
Krístín: Okei, þannig að við getum gert ráð fyrir því að fertugsafmælið þitt verður haldið hátíðlegt á Bessastöðum.
Íris: Já.
Kristín: Ég er allavega spennt.
Í lok þáttar var einnig rætt um framboðið
Kristín: Ég hef ekkert meira að segja en bara Íris 2034 eða eitthvað.
Íris: Já, þá verð ég forseti. Var það ekki planið?
Kristín: Það var planið.
Íris: Þegar ég verð fertug þá verð ég forseti Íslands. Heyrðuð það fyrst hér.
Kristín: Ég get ekki beðið Íris.
Íris: Veistu, þetta verður svo geðveikt. Þú getur kannski verið aðstoðarmaður minn.
Kristín: Ég skal vera aðstoðarmaður, það væri mjög gaman.
