Julierson Alves Morgado hefur verið dæmdur í fangelsi fyrir líkamsárás en málið var tekið fyrir í Héraðsdómi Reykjavíkur.
Hann var ákærður fyrir sérstaklega hættulega líkamsárás, með því að hafa að kvöldi fimmtudagsins 22. september 2022 á veitingahúsi í Reykjavík, veist með ofbeldi að manni og slegið hann að minnta kosti tvisvar í höfuðið með skiptilykli með þeim afleiðingum að maðurinn hlaut tvo stjörnulaga skurði á höfði, hvorn með um eins sentímetra löngum örmum, sem sauma þurfti með fimm sporum í hvorn skurð.
Morgado játaði árásina en við ákvörðun refsingar var litið til þess að hann gerðist sekur um sérstaklega hættulega líkamsárás sem beindist gegn höfði brotaþola.
Hann var dæmdur í átta mánaða fangelsi en dómurinn er skilorðsbundinn til tveggja ára. Þá þarf hann að greiða fórnarlambi sínu 400.000 krónur auk vaxta.
