Sænsk kona á fimmtugsaldri hefur verið ákærð fyrir peningaþvætti en lögreglustjórinn á Suðurnesjum er ákærandi í málinu.
Konan er ákærð fyrir að fyrir peningaþvætti með því að hafa á tímabilinu 25. nóvember 2023 til 28. nóvember 2023 tekið við samtals 17.850 evrur í reiðufé frá óþekktum aðila eða aðilum en samkvæmt lögreglunni gat henni ekki dulist að um væri að ræða ávinning af refsiverðum brotum.
Konan var með reiðuféð í fórum sínum þegar hún var handtekin í Flugstöð Leifs Eiríkssonar þann 28. nóvember 2023 á leið til París í Frakklandi.
„Með háttsemi sinni móttók ákærða ávinning af refsiverðum brotum, geymdi ávinninginn, flutti og leyndi ávinningnum og upplýsingum um uppruna, eðli, staðsetningu og ráðstöfun hans,“ segir í ákærunni.
Þess er krafist að ákærða verði dæmd til refsingar og til greiðslu alls sakarkostnaðar en málið verður tekið fyrir í Héraðsdómi Reykjaness í maí.
