Sigmundur Davíð Gunnlaugsson, formaður Miðflokksins og fyrrverandi fréttamaður, er furðu lostinn yfir því að RÚV hafi skrifað upp frétt danska dagblaðsins Berlinske, áður er fréttin birtist í Danmörku. Frétt danska miðilsins fjallaði um spillingu í sjávarútveginum á Íslandi.
„Það var nefnilega það!
Einhverra hluta vegna kemur þetta manni ekki á óvart. “ Þannig hefst færsla Sigmundar Davíðs, en hann setur hlekk við frétt Nútímans um málið í athugasemd.
Formaðurinn heldur áfram:
„Plottað um að búa til söguþráð með pólitískum samherjum erlendis og þeir mataðir á því hvað þeir eigi að segja.
Svo er gerð frétt um útlensku fréttina: „Sjáið hvað erlendir fjölmiðlar eru að segja um okkur. Þetta hlýtur að vera alvarlegt fyrst það er í erlendum fréttum”.“
Að lokum bætir hann við:
„Þegar þessi leikur er leikinn má bara ekki gleyma að láta hlutina birtast í réttri röð.
(En alvöru skúbb að leiða þetta fram.)“
Fjölmargir tjá sig um færslu Sigmundar og nánast allir eru honum sammála um hið meinta samsæri RÚV en Jón Viðar Viðarsson sálfræðingur skrifar athugasemd þar sem hann segir málið ekki eins svart og hvítt og formaðurinn heldur fram:
„Þetta mál snýst í grunninn um vinnulag í fjölmiðlun og hvernig heimildir eru notaðar.
Það er ekki óalgengt að fjölmiðlar fylgist með væntanlegri umfjöllun annarra miðla og vinni fréttir upp úr því sem fyrir liggur. Hins vegar verður það viðkvæmt þegar um er að ræða óbirt efni eða drög sem síðar breytast, því þá getur orðið misræmi milli þess sem var notað sem heimild og þess sem endar í opinberri útgáfu.
Í þessu tilfelli virðist RÚV hafa fengið aðgang að efni Berlingske fyrir birtingu og unnið frétt upp úr því, en síðar komu fram breytingar í lokaútgáfu danska miðilsins. Það vekur spurningar um skýrleika í heimildanotkun og hvort framsetning hafi að öllu leyti endurspeglað upprunann nægilega vel.
Þetta er því ekki einfalt „rétt eða rangt“ mál, heldur dæmi um hversu mikilvægt er að gæta varfærni, gegnsæis og nákvæmni þegar unnið er með efni sem ekki hefur enn verið birt opinberlega.“
