Kostnaður við innleiðingu símabann í grunnskólum Reykjavíkurborgar gæti numið allt að 75 milljónum króna en RÚV greinir frá málinu.

Stór hluti kostnaðarins tengist kaupum og uppsetningu á skápum þar sem nemendur geta geymt farsíma sína.

Þetta kemur fram í svari Steins Jóhannssonar, sviðsstjóra skóla- og frístundasviðs Reykjavíkurborgar, við fyrirspurn fulltrúa Samfylkingarinnar og Vinstrisins í skóla- og frístundaráði.

Reykjavíkurborg hefur boðað símabann í grunnskólum borgarinnar frá og með haustinu. Jafnframt hefur mennta- og barnamálaráðuneytið kynnt drög að reglugerð um notkun síma og annarra snjalltækja í grunnskólum.

Í svari Steins kemur fram að verulegur kostnaður geti fallið á einstaka skóla vegna nauðsynlegrar geymsluaðstöðu.

Áætlað er að skápar fyrir um sjö þúsund farsíma kosti á bilinu 25 til 50 milljónir króna. Þá er gert ráð fyrir um 25 milljónum til viðbótar vegna aðstöðu og uppsetningar skápanna.

Heildarkostnaður verkefnisins gæti því orðið allt að 75 milljónir króna.