„Svona vitleysisgangur dæmir sig bara sjálfur“

Pétur H. Mart­eins­son, odd­viti Sam­fylk­ing­ar­innar seg­ist ekk­ert vera að spá í gervi­greind­ar­mynd­skeiði sem Guð­mundur Ingi Þór­odds­son, sem leiðir lista Flokk fólks­ins í Reykja­vík, birti en þar má meðal annar sjá Guðmund Inga berja Pétur.

Heim­ildin sagði frá því að odd­viti Flokks fólk­ins í borg­inni, Guð­mundur Ingi Þór­odds­son, hafi gefið út gervi­greind­ar­mynd­band þar sem hann lemur Pétur en Guðmundi var hafnað í próf­kjöri Sam­fylk­ing­ar­innar, áður en hann gekk til liðs við Flokk fólks­ins. Í mynd­band­inu sakar hann einnig Sam­fylk­ing­una um lof­orða­svik.

Mynd­bandið er með óvenju­leg­ustu kosn­inga­mynd­böndum sem sést hafa hér á landi en þar sést hann dansa með ekki bara einni Ingu Sæland, heldur tveimur Ingum, á milli þess sem hann lemur Pétur og þau Inga dilla rass­inum framan í áhorf­endur. Þá má einnig sjá hóp ungra karl­manna með sól­gler­augu koma aftan að konu sem lík­ist Heiðu Björgu Hilm­is­dóttur borg­ar­stjóra, nærri ráð­hús­inu og setja þum­al­inn niður. Undir glymur gervi­greind­ar­lag sem minnir helst á hljóm­sveit­ina Albatross.

Mynd: Skjáskot

Mannlíf heyrði laus­lega í Pétri, sem var staddur á fundi en hann sagði þetta dæma sig sjálft.

„Ég er nákvæm­lega ekk­ert að pæla í þessu, svona vit­leys­is­gangur dæmir sig bara sjálfur.“

Guð­mundur Ingi hefur nú tekið mynd­bandið út af sam­fé­lags­miðli sínum.