Carmen Petronelle Rutazibwa hefur verið dæmd í fangelsi af Héraðsdómi Reykjaness en málið var tekið fyrir í seinni hluta mars.

Rutazibwa, sem er fædd árið 1999, var ákærð fyrir stórfellt fíkniefnalagabrot, með því að hafa, sunnudaginn 28. desember 2025, staðið að innflutningi á samtals 4.025,57 grömmum af kókaíni, með styrkleika 83%, og 9.730 grömmum af hassi ætluðu til söludreifingar hér á landi í ágóðaskyni en fíkniefnin flutti ákærða til Íslands sem farþegi með flug frá Belgíu, til Keflavíkurflugvallar, falið í farangri ákærðu.

Rutazibwa játaði brot sitt en hún hefur aldrei áður hlotið dóm á Íslandi.

Hún var dæmd í fangelsi í þrjú ár og tíu mánuði og er dómurinn óskilorðsbundinn.