Matvælastofnun varar neytendur við tveimur framleiðslulotum af Bónus nautahakki frá Ferskar kjötvörur vegna gruns um salmonellu.

Fyrirtækið hefur þegar upplýst Matvælastofnun um málið og hafið innköllun á viðkomandi vörum.

Um er að ræða eftirfarandi vöru:

• Vöruheiti: Bónus nautahakk
• Nettómagn: 600 g
• Umbúðir: Plastumbúðir og pappi
• Strikamerki: 1569431193179
• Síðasti notkunardagur: 27/04/2026
• Lotunúmer: 105-6-106-04 og 105-6-107-01
• Geymsluskilyrði: Kælivara (0–4°C)

Varan hefur verið í dreifingu í verslunum Bónus um land allt.

Matvælastofnun hvetur þá neytendur sem keypt hafa viðkomandi nautahakk til að neyta þess ekki. Þess í stað er fólki bent á að farga vörunni eða skila henni í verslun þar sem hún var keypt og fá hana endurgreidda að fullu.