Einn dýrasti og frægasti hundur Íslands, Samson, hundur fyrrverandi forsetahjónanna Dorritar Moussaieff og Ólafs Ragnars Grímssonar, á sex ára afmæli í dag en af því tilefni birti Dorrit fallegt myndband sem sýnir stundina er þau litu hvort annað augum í fyrsta sinn.

Hundurinn er eins og frægt er orðið, klón af gamla hundi hjónanna, Sáms sem yfirgaf jarðlífið sumarið 2008. Í viðtali sem Heimildin tók við Dorrit í fyrra, sagði hún að Samson væri ástin í lífi hennar og að hún myndi helst vilja dvelja alltaf á Íslandi með honum en vegna tíðra ferðalaga er það ekki hægt. Í viðtalinu kemur einnig fram að uppáhaldsiðja Dorritar á Íslandi er að fara upp á Esjuna með Samson en hún hefur í gegnum tíðina verið dugleg að birta myndir og myndbönd af samveru þeirra í íslenskri náttúru.
Við Facebook-færsluna skrifaði Dorrit eftirfarandi texta:
„Til hamingju með afmælið, elsku besti Samson minn. Þetta er í fyrsta skipti sem ég sé þessa dásamlegu veru. Samson hefur verið öllum til blessunar. Þakka þér, Agnies, fyrir að hjálpa til við að fæða hann.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir