Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

„Alltaf erfiðara og erfiðara að fara í burtu“

Greta Salóme Stef­áns­dóttir er óum­deil­an­lega ein af okkar ást­sæl­ustu tón­list­ar­konum. Hún hefur starfað mikið utan land­stein­anna en er nú að flytja sig meira og meira heim. Í ein­lægu við­tali talar Greta um þörf­ina fyrir að gera stöðugt betur, ást­ina í lífi sínu og barn­eignir.

Í upp­hafi árs ein­setti Greta sér því að flytja heim eftir að hafa starfað að miklum hluta til utan­lands. Hún seg­ist sífellt fær­ast nær mark­mið­inu þrátt fyrir að hafa nú dvalið meiri­hluta þess sem af er árs utan land­stein­anna. „Það er alltaf að kom­ast meira og meira jafn­vægi á þetta og í dag segi ég stolt að ég sé alveg flutt heim. Þetta hefur verið frá­bær tími og skemmti­leg tæki­færi sem ég er síður en svo hætt að nýta mér þótt ég finni loks­ins þörf­ina að vera hér heima.

Það er svo skrítið hvernig hlut­irnir skella á manni því skyndi­lega fannst mér alltaf erf­ið­ara og erf­ið­ara að fara í burtu frá Íslandi.“

Greta byrj­aði fjög­urra ára að spila á fiðlu og segir hún að þar með hafi fram­tíðin verið ráðin. Það var svo árið 2014 sem stóra kallið kom en þá hafði umboðs­maður innan Disney-sam­steypunnar sam­band við umboðs­skrif­stofu Gretu og bauð henni samn­ing.

Þetta var einn skemmti­leg­asti tölvu­póstur lífs míns, þennan mánu­dags­morgun í mars.

„Þetta var einn skemmti­leg­asti tölvu­póstur lífs míns, þennan mánu­dags­morgun í mars þar sem ég las um áhuga Disney að fá mig til að setja upp sýn­ingu í einu af skip­unum þeirra. Ég vissi ekk­ert hvað ég var að fara út í en áleit að bara það að fá Disney á fer­il­skrána væri eitt­hvað sem ég gæti ekki hafnað,“ útskýrir Greta.

Þegar samn­ingur Gretu rann út í nóv­em­ber 2014 var henni boð­inn svo­kall­aður hea­d­liner-samn­ingur og við tók ferli þar sem hún dvaldi í Orlando og vann með leik­stjórum, graf­ískum hönn­uðum, dönsurum og fleirum frá Disney. Saman sömdu þau svo stór­sýn­ingu sem sýnd hefur verið á Disney Magic-skip­inu síðan árið 2015.

„Margir halda að ég sé bara að leika Elsu í Frozen og syngja ein­hver Disney-lög þarna úti en raunin er allt önnur. Þarna er ég bæði að syngja og dansa, flýg meira að segja og tek mín eigin lög ásamt Disney-lögum. Tón­leika­sal­ur­inn tekur um tvö þús­und gesti en sýn­ingin er algjör­lega háð því að ég sé sjálf á staðnum. Lengsti samn­ing­ur­inn minn var árið 2015 en síðan þá hef ég tekið þátt í sýn­ing­unni á hverju ári og í ár verður engin breyt­ing þar á.“

Um ástina og barneignir

Tæp tíu ár eru nú síðan Greta kynnt­ist ást­inni í lífi sínu en parið setti upp hring­ana í byrjun þessa árs. „Ég er svo oft spurð að því hvernig kærast­inn minn höndli öll þessi ferða­lög mín og hvort þetta sé ekki erfitt fyrir sam­bandið. Það væri algjör lygi ef ég myndi segja að þetta væri alltaf auð­velt. Við, hins vegar, fáum svo sann­ar­lega ekki ógeð hvort á öðru miðað við alla þessa fjar­veru. Ég er svo ótrú­lega heppin að eiga mann sem hvetur mig enda­laust áfram í því sem ég er að gera og ég tek því ekki sem sjálf­sögðum hlut.

Ég held ég hafi hrein­lega aldrei hitt jafn­dug­legan og metn­að­ar­fullan ein­stak­ling með jafn­mikið jafn­að­ar­geð.

Hann hlær líka stöðugt að öllu rugl­inu sem fylgir þessum lífs­stíl og brosir bara þegar ég er að henda úr ferða­tösku og pakka í aðra á sama tíma og orðin sein í gigg. Hann er ein­fald­lega ein­stakur og gerir mér kleift að lifa á þennan hátt. Hann er sjálfur ótrú­lega dríf­andi og vinnur í fyr­ir­tækja­fjár­fest­ingum hjá Íslands­banka. Ég held ég hafi hrein­lega aldrei hitt jafn­dug­legan og metn­að­ar­fullan ein­stak­ling með jafn­mikið jafn­að­ar­geð og Elvar Þór og ég hef lært rosa­lega mikið af honum.

Greta prýðir for­síðu nýjasta tölu­blaðs Vikunnar. Myndina tók Aldís Páls­dóttir.

Þegar talið berst að frek­ari fram­tíð­ar­á­formum og hugs­an­legum barn­eignum vefj­ast svörin ögn fyrir Gretu.

„Ég hef ekki tjáð mig um þessi mál opin­ber­lega fyrr enda við­kvæmt mál­efni, en það er svo ótrú­lega oft sem ég heyri setn­ing­una: ,,Þetta breyt­ist allt saman þegar þú eign­ast börn,“ og þá er fólk að vísa í þennan hraða lífs­stíl sem við lifum, sem og ferða­lögin. Auðvitað er það rétt að ein­hverju leyti og ég held að ef ég eign­ast börn eigi það að sjálf­sögðu eftir að verða það mik­il­væg­asta í lífi mínu.“

Þetta er brot úr frá­bæru við­tali við þessa ein­stöku konu í nýj­ustu Vikunni.

Myndir / Aldís Páls­dóttir
Förðun / Björg Alfreðs­dóttir, alþjóð­legur förð­un­ar­fræð­ingur Yves Saint Laurent

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Hin sænska Karin hvarf áður en hún átti að sækja börnin sín

Sendi dularfull smáskilaboð viku fyrir hvarfið
Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Fólk

Sáttasex leysir ekki ágrein­ing­inn

Hjónabandsráðgjafinn Molly Mindel segir að kynlíf eftir rifrildi geti aukið nánd en komi ekki í stað samtals um það sem olli ágreiningnum.

Ald­ar­gam­alt hús sem hýsti hverf­is­verslun til sölu í Laug­ar­nesi

„Nið­ur­lægj­andi að smækka fólk niður í tölur“

Notalegt fjöl­skyldu­hús með nægu rými úti og inni til sölu

„Í dag eru tíu ár síðan ég varð fyrir nauðgun“

Lyf í töflu­formi vekur vonir um hæg­ari fram­gang Alzheimers