Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Faðir skaut eig­in­konu sína og þrjú ung börn til bana

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Heimur

Hin sænska Karin hvarf áður en hún átti að sækja börnin sín

Útrunnið eða ónýtt?

Góð ástæða til að hreinsa til í bað­skápnum og snyrti­budd­unni er að skapa meira pláss og skipu­lag. Önnur, og mögu­lega betri ástæða, er sú að eftir að vara hefur verið opnuð kemst súr­efni að henni sem gerir það að verkum að hún fer að skemm­ast, inni­halds­efnin tapa virkni sinni auk þess sem að bakt­er­íur og örverur af fingrum okkar og úr umhverf­inu kom­ast í vör­una. Allt þetta getur valdið ert­ingu eða jafn­vel sýk­ingu í húð okkar. Þess vegna er mik­il­vægt að gera reglu­lega rassíu og henda útrunnum snyrti­vörum.

Allar snyrti­vörur renna út en eftir mis­langan tíma. Vandinn er að fæstar vörur eru merktar með ákveð­inni dag­setn­ingu, það á í raun ein­göngu við um sól­ar­vörn og vörur sem eru fengnar með lyf­seðli. Þó að varan sé ekki merkt með dag­setn­ingu er yfir­leitt önnur merk­ing á henni sem mið­ast við hvenær varan er opnuð, en hún kall­ast í PAO meðal fram­leið­anda eða „Period After Opening“.

Svona merki er að finna á flestum snyrti­vörum, það segir til um hversu lengi varan end­ist eftir að umbúð­irnar hafa verið opn­aðar.

PAO-merk­ing­una er að finna á næröllum vörum sem seldar eru í Evrópu. Merk­ingin er tölu­stafur, bók­staf­ur­inn M og svo opin krukka. Tölu­staf­ur­inn segir til um líf­tíma vör­unnar eftir að hún hefur verið opnuð í mán­uðum talið. Þessi tala er ekki pott­þétt, en gott við­mið. Vandinn er að við munum oft ekki hvenær við opn­uðum vör­una og ættum í raun að venja okkur á að merkja á vörur dag­setn­ing­una sem hún var opnuð.

Vertu vakandi

Vara þarf ekki að vera orðin gömul til þess að verða ónýt eða hafa orðið bakt­er­íum að bráð, því er mik­il­vægt að vera stöðugt á varð­bergi. Ef litur, lykt eða áferð vöru breyt­ist þá getur það verið merki um að varan sé skemmd. Til dæmis getur hún dökknað á lit, komið þráa­lykt af henni eða hún getur skilið sig, þá er tími til kom­inn að hún fari bein­ustu leið í ruslið. Einnig geta umbúð­irnar bólgnað eða bognað sem er líka vís­bend­ing að ekki sé allt með feldu.

Náttúruleg innihaldsefni

Góð þum­al­putta­regla segir að allar vörur með vatn sem meg­in­inni­halds­efni hafa stystan líf­tíma eftir opnun því bakt­er­íur og örverur þurfa á rak­anum að halda til að þríf­ast. Nátt­úru­leg inni­halds­efni úr plöntum hafa einnig stuttan líf­tíma, rétt eins og ávextir á eld­hús­borði.

Engin rotvarnarefni

Ef vara er sögð vera án rot­varn­ar­efna ber að fara mjög var­lega með hana því án rot­varn­ar­efna þríf­ast bakt­er­íur óhindrað. Þó að það hljómi örugg­ara að nota nátt­úru­leg rot­varn­ar­efni þá eru þau samt sem áður ekki jafn­skil­virk. Gott er að klára slíkar vörur með því að nota þær á hverjum degi í nokkra mán­uði frekar en að nota þær endrum og  sinnum í lengri tíma, einnig má lengja líf­tím­ann með því að geyma vör­urnar í ísskápnum.

Áður en varan skemmist

Stundum kaupum við vörur sem við erum ekki nógu hrifnar af og notum þar af leið­andi ekki. Þær safn­ast þá fyrir í skápnum hjá okkur og renna smám saman út. Það er góð regla að reyna að losa sig við slíkar vörur strax. Það þýðir þó ekki að þú verðir að henda þeim heldur getur þú gefið vin­konu þinni eða fjöl­skyldu­með­lim þær eða gefið til Kvenna­kots.

Líftími förðunarvara

Púður (augnskuggar, kinna­litir o.s.frv.): Tvö ár, eða lengur ef vel er hugsað um vör­urnar.
Krem­kenndar vörur: Eitt til eitt og hálft ár.
Farði: Eitt ár til eitt og hálft ár.
Hyljari: Eitt ár til eitt og hálft ár.
Vara­litur: Eitt ár.
Vara­blý­antur: Eitt ár til eitt og hálft ár.
Varagloss: Eitt og hálft til tvö ár.
Augn­blý­antur: Tvö ár
Augn­línupenni eða -gel: Sex til átta mán­uðir.
Maskari: Þrír til sex mán­uðir.

Krem­vörur end­ast skemur en púð­ur­vörur.

Líftími húðvara

And­lits­hreinsir: Eitt ár
And­lits­vatn: Hálft til eitt ár
Vörur sem inni­halda AHA- eða BHA-sýrur: Eitt ár
Rakakrem og serum: Hálft til eitt ár
Vara­salvi: Eitt ár
Prufur: Einn til þrír dagar

Rakakrem end­ast í hálft til eitt ár eftir að umbúð­irnar hafa verið opn­aðar.

Húðvörur – Nokkrar góðar reglur til að hafa í huga

  • Geymdu vör­urnar í lok­uðum skáp eða skúffu.
  • Þvoðu hendur vand­lega áður en þú notar vörur.
  • Passaðu að skrúfa tappa eða lok vel á eftir hverja notkun.
  • Gefðu gaum að því að raki og hiti hefur áhrif á vörur.
  • Skrifaðu dag­setn­ing­una sem þú opn­aðir vör­una með tús­spenna á umbúð­irnar.
  • Fylgstu vel með breyt­ingum á lit eða lykt.
  • Fylgdu dag­setn­ing­unum sem standa á sól­ar­vörnum, því virku efnin sem eiga að vernda þig hafa mjög tak­mark­aðan líf­tíma og að honum loknum verður sóla­vörnin að venju­legu „body lotion“.
  • Kauptu vörur í túbu eða pumpu frekar en í krukku. Það er 100% hætta á bakt­er­íusmiti í krukkum því maður er stöðugt að opna og loka þeim, svo ekki sé minnst á að stinga fingr­unum ofan í þær.
  • Ekki geyma vörur þar sem sólin skín á þær.
  • Ekki deila húð­vörum með vinum þínum.
  • Ekki gleyma að þrífa tapp­ann eða lokið vel ef þú missir það á gólfið, þá með sápu og heitu vatni eða hreinsispritti og leyfa því að þorna áður en þú skrúfar það aftur á.

Förðunarvörur – Nokkrar góðar reglur til að hafa í huga

Snyrti­vörur end­ast víst ekki enda­laust.
  • Þrífðu bursta og áhöld reglu­lega því ann­ars gætu þau borið húð­fitu og bakt­er­íur í vör­urnar þínar.
  • Ekki deila mask­ara með neinum.
  • Þú finnur það strax á lykt­inni ef vara­litur er orð­inn skemmdur, fitan í honum þránar.
  • Ef áferðin er orðin þykk eða kekkj­ótt þá er varan skemmd.
  • Vörur sem inni­halda olíur geta farið að skilja sig eftir smá­tíma og þá er ekki aftur snúið.
  • Yddaðu blý­anta reglu­lega því það heldur þeim ferskum.
  • Geymdu krem­vörur á hvolfi til að sporna gegn því að þær þorni upp.
  • Byrjaðu alltaf á því að þvo á þér hend­urnar áður en þú notar förð­un­ar­vörur.
Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Þrír féllu þegar dróni réðst á bíl við mat­ar­út­hlutun á Gaza

Bíllinn hafði stoppað til að gefa börnum mat og drykk.
Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Fólk

Sáttasex leysir ekki ágrein­ing­inn

Hjónabandsráðgjafinn Molly Mindel segir að kynlíf eftir rifrildi geti aukið nánd en komi ekki í stað samtals um það sem olli ágreiningnum.

Ald­ar­gam­alt hús sem hýsti hverf­is­verslun til sölu í Laug­ar­nesi

„Nið­ur­lægj­andi að smækka fólk niður í tölur“

Notalegt fjöl­skyldu­hús með nægu rými úti og inni til sölu

„Í dag eru tíu ár síðan ég varð fyrir nauðgun“

Lyf í töflu­formi vekur vonir um hæg­ari fram­gang Alzheimers