Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Faðir skaut eig­in­konu sína og þrjú ung börn til bana

Heimur

Hin sænska Karin hvarf áður en hún átti að sækja börnin sín

Heimur

Kærasti Heidi Gardner lát­inn, 43 ára að aldri

„Annaðhvort segir þú viljandi ekki satt og rétt frá eða þú varst ekki á staðnum“

Magga Stína skrifar þing­konu opið bréf og lætur hana heyra það

Magga Stína lætur Rósu þingkonu heyra það hressilega
Magga Stína lætur Rósu þing­konu heyra það hressi­lega Segir eðli­legt að mót­mæla á 17. júní. Mynd: Aðsend

Margrét Kristín Blöndal er betur þekkt sem Magga Stína. Hún hefur tekið sér margt fyrir hendur og gert það vel. Er frið­ar­sinni. Og aðgerð­ar­sinni. Skrifar opið bréf til þing­kon­unnar Rósu Guð­bjarts­dóttur sem áður en hún hélt á þing sat á stóli bæj­ar­stjóra í Hafn­ar­firði.

Magga Stína var gagn­rýnd af Rósu fyrir að mót­mæla hel­för­inni á Gaza á lýð­veld­is­dag­inn 17. júní, en það þótti Rósu ekki vera til­hlýði­legt en Mögga Stína er ekki á sama máli:

„Sæl Rósa. Ég heyrði utan af mér að eitt­hvað hafði skyggt á gleði þína á þjóð­há­tíð­ar­dag­inn nýlið­inn. Svo mjög, að þú sást ástæðu til að skrifa um óánægju þína á inter­netið. Þar skrifar þú: ,,Í gær fögn­uðum við 81 árs afmæli íslenska lýð­veld­is­ins og eins og jafnan á þessum hátíð­is­degi komum við saman og gleðj­umst yfir merkum og mik­il­vægum áfanga. Á þjóð­há­tíð­ar­dag­inn klæðum við okkur upp og fögnum frels­inu, lýð­ræð­inu, mann­rétt­ind­unum, sjálf­stæði og sér­stöðu þjóð­ar­innar. Þá fögnum við sér­stak­lega gild­unum okkar, við leggjum áherslu á hvað sam­einar okkur, hvað það er að vera Íslend­ingur og að búa á Íslandi.” og svo frv…

Við lest­ur­inn vökn­uðu upp hjá mér spurn­ingar eins og þessi: Hver erum þessi við, sem þú talar um, við, sem klæðum okkur upp og um hvaða frelsi ert þú að tala? Er það hið marg­fræga, frelsi til athafna? Getur verið, að þú eigir einkum og sér í lagi við þitt eigið frelsi? Frelsi Rósu Guð­bjarts­dóttur? Er það, það frelsi, sem er til umfjöll­unar hjá þér?“

Magga Stína heldur áfram og seg­ist vel skilja ef Rósa vilji fá að „fagna frelsi þínu. Kona í þinni stöðu, sem þiggur laun af almenn­ingi. Það er aldeilis ástæða til að fagna. Því jafn­vel þótt þú standir fyrir það gild­is­mat sem þing­maður, um að hvetja til auk­innar mis­skipt­ingar þá skil ég fögnuð þinn á ein­hvern hátt. Til ham­ingju með frelsið Rósa. Til aðeins minni ham­ingju með frelsið, þú sem skúrar kló­settið á alþingi en stendur eins og klettur undir launa­seðl­inum hennar Rósu. Rósa, þú vilt fá að fagna mann­rétt­indum á þjóð­há­tíð­ar­dag­inn, en samt bara aðeins að þagga niður í nokkrum óþol­andi ein­stak­lingum sem trufla þig í þjóð­há­tíð­ar­stemn­ing­unni. Ein­stak­lingum sem kunna ekki að halda kjafti í "mann­rétt­inda­land­inu þínu” í “jafn­réttisparadís­inni” þar sem þú nýtur lífs­ins og smjör drýpur af hverju strái, eitt­hvað lið, sem hefur ekki einu sinni lyst á þjóð­há­tíð­ar­köku þegar verið er að svelta fólk í hel og brenna það lif­andi í leið­inni. Fólk, sem er fyrir þér, á 17. júní, þegar þú loks­ins ætlar slaka aðeins á og leggja stjórn­málin og “deil­urnar” á hill­una og gúffa bara í þig kandíflos­inu. Fella kannski virð­ing­ar­fyllst tár, yfir nýjasta afbrigð­inu af ras­ista­fána okkar Íslend­inga.“

Heldur áfram og segir að „þá fögnum við sér­stak­lega gild­unum okkar”, segir þú, Rósa, “við leggjum áherslu á hvað sam­einar okkur, hvað það er að vera Íslend­ingur og að búa á Íslandi.” Fátt veit ég útvatn­aðra en hug­takið “gildi”, sér­stak­lega úr munni ykkar Sjálf­stæð­iskvenna, en gott og vel. Þú vilt fagna sjálfs­mynd þinni sem Íslend­ings og ekki nóg með það, þú vill fá frið til þess. Frið til að fagna, frið, til að ná að „leggja áherslu á hvað það er að búa á Íslandi.“ Komdu þar, Rósa, segðu okkur frá því hvað það er að vera Íslend­ingur - segðu okkur hvað það er, að búa á Íslandi! Deildu þekk­ingu þinni með okkur, þekk­ingu þinni á íslenskum hefðum, íslenskri sér­stöðu, menn­ingu, íslenskum upp­runa. Ást þín á íslenska fán­anum fer ekki fram hjá neinum sem les pistil þinn. Þú sakar reyndar annað fólk rang­lega um að sýna íslenska fán­anum óvirð­ingu en ég skil vel til­finn­ingar þínar þegar ég rýni í afstöðu þína í inn­flytj­enda­málum sem ríma einmitt vel, við hið nýja en sorg­lega merk­ing­ar­hlut­verk þjóð­fána lands­ins.“

Segir einnig:

„Nú er til máls að taka athuga­semdir þínar Rósa um óæski­legar hópa­mynd­anir fólks á þjóð­há­tið­ar­dag­inn, sem aldrei skyldu verið hafa, leyfðar, því þær eru þér, ekki að skapi. „Að hópar fólks skuli koma saman á þessum degi og það við hátíð­ar­höld við Alþing­is­húsið veif­andi fána ann­ars lands og hrópa ókvæð­is­orð að ráða­mönnum og öðrum við­stöddum, er óboð­legt.” En þarna hleypur þú á þig Rósa! Ég var einmitt þarna stödd og til­heyrði „hópnum“ sem þú talar um. Ann­að­hvort segir þú vilj­andi ekki satt og rétt frá eða þú varst ekki á staðnum. Kannski léstu þér nægja að lesa lygi­mál Andrésar Magn­ús­sonar „blaða­manns“ á Morg­un­blað­inu en lýs­ingar hans á atvikum voru eins fjarri sann­leik­anum og annað sem stendur í því sorp­riti.

Stað­reyndin er sú, að eng­inn úr þessum hópi hróp­aði eitt ein­asta ókvæð­is­orð að nokk­urri mann­eskju. Hópurinn stóð prúður og kurt­eis, hlust­aði með for­vitni og í nokk­urri andakt á ræðu for­seta Íslands sem var prýði­leg, hlýddi svo á Fjall­kon­una fara með ljóð Þórdísar Helga­dóttur og ynd­is­legan söng kórs­ins Graduale Nobili. Sér­stak­lega var eft­ir­minni­legur flutn­ingur þeirra á ætt­jarð­ar­ljóði Huldu, Hver á sér fegra föð­ur­land við lag Emils Thorodd­sen, ljóð og lag sem mér fynd­ist Alþingi ætti að setja á fón­inn í upp­hafi hvers vinnu­dags til upp­rifj­unar á sam­eig­in­legum „gildum.“

Þegar ráða­fólk þjóð­ar­innar stóð svo upp úr sér­stökum sætum sem komið hafði verið fyrir handa því og hélt gang­andi af Aust­ur­velli kom þessi hluti áhorf­enda sem þú kallar „hóp­inn“ skila­boðum sínum á fram­færi við elít­una eins og vera ber. Ekki, með einu ein­asta ókvæð­is­orði. Þarna voru frétta­miðlar sem tóku lif­andi mynd­skeið af því sem fram fór og eru þessu til sönn­unar.“

Magga Stína bendir Rósu á að „erlendi fán­inn sem þú tal­aðir um í pistli þínum Rósa, er fáni Palest­ínu. Þannig er mál með vexti, að verið er að fremja þjóð­ar­morð á palest­ínsku þjóð­inni og við vorum þarna eins og okkur ber skylda til, bæði til að vekja athygli á því og mót­mæla þeirri stað­reynd að íslensk stjórn­völd hafa með afstöðu sinni og aðgerð­ar­leysi, gerst brot­leg við Alþjóða­lög. Þau bera ábyrgð á því að Ísland er sam­sekt um þjóð­ar­morð sam­kvæmt Alþjóða­lögum, þau bera ábyrgð á því að fara vilj­andi gegn vilja almenn­ings. Þið, berið ábyrgð. Þessu mót­mæltum við á afar hæverskan hátt með tveimur skiltum. Þegar ráða­fólk gekk hjá hróp­aði ég vissu­lega „Lifi frjáls Palest­ína.“ Það verður aldrei hægt að túlka það sem ókvæð­is­orð. Það er upp­hrópun mín á þjóð­há­tíð­ar­deg­inum þar sem ég fagna til­von­andi frelsi kúg­aðrar þjóðar sem verið er að murrka lífið úr. Þú fagnar þínu frelsi, og þínu frelsi, einu. Síðan hvöttum við við­stadda til að nota rödd sína, til að nýta vald sitt og stöður hvers konar, til þess að gera allt sem í þeirra valdi stendur, til að stöðva þjóð­ar­morð.

Þetta var okkar grund­vall­ar­skylda þennan dag og henni sinntum við. Það var okkar skylda. Það var okkar réttur. Þjóð­há­tíð­ar­dagur Íslend­inga er sann­ar­lega rétti vett­vang­ur­inn til þess að vekja athygli á svikum íslenskra stjórn­valda við Palest­ínu, þjóð sem við við­ur­kenns­dum með stolti sem sjálf­stætt ríki árið 2011. Og 17. júní, afmæl­is­dagur Jón Sig­urðs­sonar, hvers líf snérist um sjálf­stæð­is­bar­áttu þjóðar, er einmitt hár­rétti dag­ur­inn til að mót­mæla. „Vér mót­mælum allir“! Rósa, manstu! Aust­ur­völlur, er almenn­ings­eign og hann er vett­vang­ur­inn, til að minna á svik stjórn­valda við sjálf­stæð­is­bar­áttu Jóns Sig­urðs­sonar og hans hug­sjóna. Það mætti segja mér að hann bærði all­hressi­lega á sér þar sem hann er því sjálf­stæðið, sem honum var svo umhugað um og hann barð­ist fyrir, hefur verið selt og marg­selt, af yfir­völdum, á kostnað almenn­ings auð­vitað.“

Bætir við að „í Palest­ínu hefur vald­níðslan og við­ur­styggðin hins vegar náð að svifta heims­byggð­ina alger­lega trúnni á að okkar sam­eig­in­legu sið­ferð­is­legu grunn­gildi séu yfir höfuð fyrir hendi og við mót­mælum því. Allur heim­ur­inn mót­mælir því. Allur heim­ur­inn gargar í örvænt­ingu, Rósa. Alla daga. Á öllum tímum. ...OG ÞÚ, VILT FÁ FRIÐ FYRIR FÓLKI MEÐ „ERLENDAN FÁNA“ TIL AÐ ÞÚ GETIR FAGNAÐ ÍSLENSKUM GILDUM Á ÞJÓÐHÁTÍÐARDAGINN. Hver er skyni skropp­inn hér? Ég mæli með því Rósa, að þú kynnir þér lög­boðnar skyldur þínar sam­kvæmt Alþjóða­lögum þegar þú verður vitni að þjóð­ar­morði. Þú ert kos­inn á þing til þjón­ustu við almenn­ing, ekki til að kvaka smá­borg­ara­lega eins og kjáni um ekki neitt, heldur ber þér og öðrum kjörnum full­trúum að fara að vilja þjóð­ar­innar sem krefst þess að þið beitið ykkur raun­veru­lega með öllum til­tækum ráðum eins og Alþjóða­lög segja til um fyrir því að þetta þjóð­ar­morð verði stöðvað. Fyrr færðu ekki frí frá hópi fólks með „erlendan fána“ Rósa. LIFI FRJÁLS PALESTÍNA!“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Að minnsta kosti þrjár Palest­ínu­tengdar vef­síður eyði­lagðar í netárásinni á 1984

Vefur Félagsins Ísland-Palestína liggur niðri eftir árásina og óvíst er hvort hægt verði að endurheimta hann.
Heimur

Raun­veru­leika­stjarnan Sheila Mangubat látin 35 ára að aldri

Fólk

Björgvin Franz fagnar eins árs sam­bands­af­mæli með kærust­unni

Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Talninga-Tómas verður Dómara-Tómas

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ók á 126 km hraða þar sem hámarkið er 80

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu