Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Faðir skaut eig­in­konu sína og þrjú ung börn til bana

Heimur

Hin sænska Karin hvarf áður en hún átti að sækja börnin sín

Heimur

Kærasti Heidi Gardner lát­inn, 43 ára að aldri

Fordæmir starfsmannaleigur og segir þær „eitt af ömurlegum börnum óheftrar gróðadýrkunar”

„ Starfs­manna­leigur eru eitt af ömur­legum börnum hins ægi­lega „ frelsis ” og óheftrar gróða­dýrk­unar sem fengið hafa að unga út afkvæmum um alla ver­öld,” skrifar Sólveig Anna Jóns­dóttir, for­maður Eflingar, á Facebook. Tilefnið er lög­sókn gegn Eldum rétt og Menn í vinnu vegna nauð­ung­ar­vinnu.

|
| Mynd: / Hallur Karlsson

„Alþjóða­væð­ing á for­sendum kap­ít­alista gerir það að verkum að alltaf er hægt að sækja vinnu­afl á en meiri afslátt­ar­verði en boðið er upp á í heima­land­inu,” skrifar Sólveig og bætir við; „Og við útsölu­verðið bæt­ist svo við enn meiri „afsláttur“ fólg­inn í því að hægt er að koma klónum í fólk sem talar ekki tungu­mál lands­ins sem það er flutt til og hefur oft mjög tak­mark­aða eða jafn­vel enga ensku-kunn­áttu, og nákvæm­lega enga þekk­ingu á þeim lögum og reglum sem gilda um kjör og aðbúnað vinnu­aflsins.

Það er eru mörg vanda­mál sem snúa að okkur sem vinnum vinn­una og höfum ekk­ert til að selja nema eigin vinnu­afl, vanda­mál útbúin af sér­stöku skeyt­ing­ar­leysi af þeim sem öllu ráða, eigna­stétt­inni og margt sem við þurfum að berj­ast fyrir að breyt­ist í sam­fé­lag­inu. Og það að fyr­ir­tæki eins og Eldum rétt geti eins og ekk­ert séð leitað til algjör­lega for­herts fólks eins og Manna í vinnu er að mínu mati eitt af þeim vanda­málum, vanda­mál sem við getum staðið saman í að upp­ræta.”

Starfsmannaleigur grafa undan kaupi á íslenskum vinnumarkaði

Sólveig segir Eflingu telja starfs­manna­leigur vera ein­stak­lega óæski­legar. „Þær fela í sér frá­vik frá þeirri meg­in­reglu að starfs­maður sé í beinu ráðn­ing­ar­sam­bandi við atvinnu­rek­anda, og setja á milli þeirra þriðja aðila sem tekur skerf af laun­unum í sinn vasa. Því miður hefur þetta fyr­ir­komu­lag verið leyft í íslenskum og evr­ópskum lögum til að auð­velda atvinnu­rek­endum að sækja sér vinnu­afl út fyrir land­stein­ana þegar eng­inn sam­þykkir boð þeirra á Íslandi.

Starfs­manna­leigur hafa líka þau áhrif að halda verði á vinnu­afli niðri og veikja með því samn­ings­stöðu þess verka­fólks sem fyrir er í land­inu; afhverju ættu eig­endur atvinnu­tækj­anna að borga góð laun fyrir unna vinnu ef þeir hafa ávallt aðgang að höndum sem tekið geta að sér verkin fyrir léleg laun? Og í raun eru starfs­manna­leigur upp­spretta ofur-arð­ráns; þriðji aðili kemst í stóran hluta af því sem mann­eskjan nær að vinna sér inn.”

Hún bætir við: „Þetta hefur opnað á enn eina leið til að grafa undan kaupi og kjörum á íslenskum vinnu­mark­aði. Fólk er gagn­gert sótt frá fátækum svæðum sem alþjóða­væð­ingin hefur leikið grátt, og þar sem ensku­kunn­átta er mjög tak­mörkuð. Engar kröfur eru gerðar á fyr­ir­tæki að kynna starfs­fólki rétt­indi sín.”

Lögsóknin þingfest í Héraðsdómi Reykjavíkur

Efling til­kynnti um lög­sókn gegn Eldum rétt og Menn í vinnu í gær: „Eldum rétt og Mönnum í vinnu, ásamt for­svars­mönnum fyr­ir­tækj­anna, hefur verið stefnt fyrir með­ferð þeirra á fjórum rúm­enskum verka­mönnum sem unnu hjá þeim í vetur,” segir í til­kynn­ing­unni. „Eldum rétt keypti vinnu­afl hjá starfs­manna­leig­unni Menn í vinnu í jan­úar, og bar með því ábyrgð á að kjör verka­mann­anna og aðstæður væru sóma­sam­legar sam­kvæmt lögum um keðju­á­byrgð frá árinu 2018.

„Lögsókn gegn fyr­ir­tæk­inu og fram­kvæmda­stjóra þess, ásamt Mönnum í vinnu og for­svars­mönnum starfs­manna­leig­unnar, hefur nú verið þing­fest í Hér­aðs­dómi Reykja­víkur.”

Ólöglegur launafjárdráttur og nauðungarvinna

Dóms­málið snýst meðal ann­ars um ólög­legan launa­fjár­drátt. „Alla þá fjöl­breyttu mínusa sem settir voru á launa­seðl­ana,” skrifar Sólveig. „Einn af þeim var til dæmis fyrir World Class korti (sem margir starfs­menn könn­uð­ust ekk­ert við að hafa notað). Þeim var sagt að kortið fengju þeir á sér­stökum afslætti.” Frá­drátt­ur­inn á launa­seðl­inum var hins vegar hærri en áskrift­ar­gjaldið á verð­lista World Class.

„Hins vegar snýst það um veiga­meira atriði, sem er sú van­virð­andi með­ferð og þving­unar- eða nauð­ung­ar­vinna sem verka­menn­irnir sættu. Í ljósi þeirra aðstæðna sem þeir bjuggu við, og þess valds sem stjórn­endur Menn í vinnu ehf höfðu yfir þeim, voru þeir „háðir boð­valdi og [settir] undir yfir­burð­ar­stöðu“ fyr­ir­tæk­is­ins, líkt og segir í stefn­unni. Þessi staða blasir við í hvert skipti sem íslensk fyr­ir­tæki sækja sér fólk erlendis frá án þess að upp­lýsa þau um rétt­indi sín – en það er ekki á hverjum degi sem þessi yfir­burða­staða er nýtt af sam­bæri­legri grimmd.”

https://gamla.mannlif.is/4270

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Að minnsta kosti þrjár Palest­ínu­tengdar vef­síður eyði­lagðar í netárásinni á 1984

Vefur Félagsins Ísland-Palestína liggur niðri eftir árásina og óvíst er hvort hægt verði að endurheimta hann.
Heimur

Raun­veru­leika­stjarnan Sheila Mangubat látin 35 ára að aldri

Fólk

Björgvin Franz fagnar eins árs sam­bands­af­mæli með kærust­unni

Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Talninga-Tómas verður Dómara-Tómas

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ók á 126 km hraða þar sem hámarkið er 80

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu