Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Innlent

Lög­reglan lýsir eftir Nikulási Snorra­syni

Heimur

Macaulay Culkin snýr aftur sem Kevin McCallister

Heimur

„Guðfaðir gervi­greindar“ varar við yfir­vof­andi stór­slysi

Heimur

Faðir skaut eig­in­konu sína og þrjú ung börn til bana

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Kærasti Heidi Gardner lát­inn, 43 ára að aldri

Innlent

Ók á 126 km hraða þar sem hámarkið er 80

Fimmtán ára stóð Andrea í hárinu á glæpamönnum og gafst ekki upp

„Það er þetta með hug­rekkið, það er smit­andi“

Andrea Róbertsdóttir
Andrea Róberts­dóttir Mynd: Aðsend/Silla Páls

Andrea Róberts­dóttir, fram­kvæmda­stjóri FKA, Félags kvenna í atvinnu­líf­inu, hefur komið víða við á sínum ferli og prófað ýmis­legt. Hún hefur meðal ann­ars starfað sem fram­kvæmda­stjóri, for­stöðu­maður, mannauðs­stjóri, verk­efna­stjóri og ráð­gjafi og safnað að sér mik­illi reynslu úr ólíkum áttum atvinnu­lífs­ins. Í vor var hún jafn­framt til­nefnd til Stjórn­enda­verð­launa Stjórn­vísi.

Andrea sett­ist á dög­unum niður í ítar­legt við­tal þar sem hún opnar sig um ýmis­legt, bæði úr starfi og einka­lífi. Þar fer hún yfir rúm­lega tveggja ára­tuga feril sinn, áskor­an­irnar sem hafa orðið á vegi hennar og reynsl­una af því að leiða fólk, byggja upp vinnu­staða­menn­ingu og takast á við breyt­ingar.

En það er ekki bara stjórn­and­inn Andrea sem fær að njóta sín í við­tal­inu. Hún ræðir einnig um lífið utan vinn­unnar, móð­ur­hlut­verkið, nátt­úr­una og ýmis­legt annað sem hefur mótað hana í gegnum tíð­ina.

Ferill Andreu hefur verið fjöl­breyttur og spannar meðal ann­ars atvinnu­líf, fjöl­miðla og félaga­sam­tök. Í við­tal­inu gefur hún les­endum tæki­færi til að kynn­ast mann­eskj­unni á bak við starfs­heitið og segir frá ýmsu sem sjaldnar ratar upp á yfir­borðið.

Reynslunni ríkari

Andrea á tvo syni og mann og býr fjöl­skyldan í Garðabæ.

„Við vildum vera hluti af sveita­sam­fé­lagi og bjuggum fyrstu ár eldri stráks­ins í Kjós í stórum skógi á land­bún­að­ar­lóð en fluttum svo í Garða­bæ­inn til ömmu ald­ar­innar, mömmu minnar, sem hefur verið ein mesta stoð og stytta í líf­inu. Það er engu líkt að eign­ast börn og dreng­ina elska ég enda­laust. Það er dásam­legt að sjá þá þroskast og verða sjálf­stæða. Það er svo magnað að hugsa til þess að störfin sem þeir fara að vinna þegar þeir verða full­orðnir er ekki einu sinni búið að finna upp. Það eru svo mörg tæki­færi hjá ungu fólki og ég get lært svo margt af þeim. Með mann­inum mínum finnst mér best að vera í iðn­að­ar­manna­gall­anum eða á fjöllum. Yngri dreng­ur­inn minn er 15 ára og stóri strák­ur­inn minn nýorð­inn 18 ára og því miklar breyt­ingar. Við höfum alltaf lagt áherslu á að hafa síma­lausa sam­veru við mat­ar­borðið og borða saman kvöld­mat. Við höfum gaman að því að ferð­ast, hlusta á tón­list og fara í sund. Þá er ekki eins spenn­andi að vera með mér eins mikið og áður en þeir segja að ég sé besta mamman. Það er mín mesta gæfa að hafa unnið mömmu­lottóið og fengið dreng­ina í mitt líf – þeir eru skóla­stjór­arnir í líf­inu og ævin­týra­ráð­herrar.“

Andrea er spurð um lífs­reynslu sem hefur mótað hana og nefnir hún ævin­týr­lega ferð. Hinn stóri heimur heill­aði og árið 2006 seldi hún bíl­inn og íbúð­ina og fór ein í bak­poka­ferða­lag í nokkra mán­uði um Suð­austur-Asíu.

„Það var eins og að krækja sér í eina ef ekki tvær meistara­gráður. Það gat verið mjög flókið að vera ung kona ein á ferð með allt á bak­inu en eins og alltaf, án þess að vaða út í ein­hverja vit­leysu, þá vil ég ekki láta ótt­ann skemma fyrir mér og fór í þessa mögn­uðu ferð. Ég gisti á far­fugla­heim­ili og gisti­heim­ilum og ferð­að­ist til nokk­urra landa og kom heim læs­ari á ólíka menn­ingu og reynsl­unni rík­ari. Ég kynnt­ist alls konar fólki, borð­aði alls konar mat, gisti á furðu­legum stöðum, skoð­aði ótal staði og and­aði að mér fram­andi menn­ingu. Þetta bak­poka­ferða­lag er eitt af því sem kemur upp í hug­ann þegar ég er spurð um lífs­reynslu sem hefur mótað mig. Annað sem kemur upp í hug­ann er þegar ég 15 ára og Hrund vin­kona mín 16 ára vorum að vinna sem rekstr­ar­stjórar á ham­borg­ara­stað myrkr­anna á milli til að safna fyrir ferð til Ibiza. Við vorum búnar kaupa miða til að fara einar út í frí og fjör en síðan fengum við ekki útborgað. Nú eins og bestu vin­konur gera á gelgj­unni er að fá sér lög­fræð­ing. Við fengum okkur lög­fræð­ing til að fá launin og án þess að fara í mála­rekst­ur­inn og alla sól­ar­sög­una þá end­uðum við í eft­ir­minni­legri ferð einar á Ibiza um sum­arið eins og til stóð. Þegar ég sé fimmtán ára ung­linga í dag þá sé ég alltaf betur hvað við vorum seigar að fá okkur lög­fræð­ing og standa í hár­inu á glæpa­mönnum. Ef ég væri lög­fræð­ingur og fengi okkur vin­kon­urnar inn á skrif­stofu myndi ég espast öll upp og vilja allt fyrir þessi krútt gera. Ég er svo stolt af þessum stelpum að hafa fengið sér lög­fræð­ing og mér finnst við svo hug­rakkar. Það er þetta með hug­rekkið, það er smit­andi og það er svo gaman að hafa víkkað þæg­inda­hring­inn og haft kjark til þess snemma á lífs­leið­inni. Ég er þakk­lát fyrir vin­átt­una.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Lögregla fjar­lægði mót­mæl­anda eftir að hafa rugl­ast á áletrun á bol hans

Á bol mannsins stóð „Palletsign Acton“, en lögreglan virðist hafa lesið þar nafn samtakanna Palestine Action.
Fólk

Af hverju getur lyktin af mak­anum verið svona ómót­stæði­leg?

Innlent

Lög­reglan kölluð til eftir að hitn­aði í kol­unum við tölvu­leikja­spil

Heimur

Maður stung­inn í Las Palmas

Heimur

Ljósmynd af logum ræsti sjálf­virkt slök­kvikerfi

Fólk

Sáttasex leysir ekki ágrein­ing­inn

Hjónabandsráðgjafinn Molly Mindel segir að kynlíf eftir rifrildi geti aukið nánd en komi ekki í stað samtals um það sem olli ágreiningnum.

Ald­ar­gam­alt hús sem hýsti hverf­is­verslun til sölu í Laug­ar­nesi

„Nið­ur­lægj­andi að smækka fólk niður í tölur“

Notalegt fjöl­skyldu­hús með nægu rými úti og inni til sölu

„Í dag eru tíu ár síðan ég varð fyrir nauðgun“

Lyf í töflu­formi vekur vonir um hæg­ari fram­gang Alzheimers