Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Fólk

Björgvin Franz fagnar eins árs sam­bands­af­mæli með kærust­unni

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Faðir skaut eig­in­konu sína og þrjú ung börn til bana

Heimur

Hin sænska Karin hvarf áður en hún átti að sækja börnin sín

Þorvaldur Davíð varar við stórhættu við Laugarnesskóla

„Hér eru börn á ferð á hverjum degi og öryggi þeirra verður að vera í fyr­ir­rúmi“

Þorvaldur Davíð Kristjánsson
Þor­valdur Davíð Krist­jáns­son Er borg­ar­full­trúi Mynd: JOHN MACDOUGALL / AFP

Miklar áhyggjur hafa skap­ast meðal íbúa í Laug­ar­nes­hverfi vegna auk­innar umferðar og hraðakst­urs í nágrenni Laug­ar­nes­skóla eftir að fram­kvæmdir hófust á Reykja­vegi. Íbúar lýsa meðal ann­ars atvikum þar sem nærri hafi verið ekið á gang­andi veg­far­endur og kalla eftir taf­ar­lausum aðgerðum.

Þor­valdur Davíð Krist­jáns­son, borg­ar­full­trúi Við­reisnar, vakti athygli á mál­inu í hverf­is­hópiLaug­ar­nes­hverfis. Hann segir fjöl­skyldu sína hafa orðið vara við hraðakstur síð­ustu daga, sér­stak­lega á Gull­teigi og Kirkju­teigi.

„Mig langar að hvetja alla til að gæta vel að hrað­anum í kringum skól­ann. Hér eru börn á ferð á hverjum degi og öryggi þeirra verður að vera í fyr­ir­rúmi,“ skrifar Þor­valdur.

Hann hvetur jafn­framt íbúa til að bregð­ast við verði þeir varir við hraðakstur og minna öku­menn á að hægja á sér.

Vill fá lögregluna í hraðaeftirlit

Margrét Rós Sig­ur­jóns­dóttir, full­trúi Laug­ar­dals í umhverfis- og skipu­lags­ráði Reykja­víkur, tók undir áhyggjur Þor­valdar. Hún segir ábend­ingu þegar hafa verið komið á fram­færi við borg­ina og að hún hafi jafn­framt haft sam­band við lög­reglu.

„Hér þarf að drita upp skiltum eins fljótt og hægt er. Ég sit hérna inni í stofu á Kirkju­teig þegar ég skrifa þetta og ég á ekki orð yfir hvernig fólk keyrir beint fyrir framan skóla,“ skrifar Margrét Rós.

Hún lýsir því meðal ann­ars að hafa séð öku­mann stórs jeppa aka hratt um svæðið á meðan hann var í sím­anum.

„Hvað er að þessu sam­fé­lagi? Risa­stórir jeppar langt yfir hámarks­hraða við skóla­lóð! Sá einn á Dodge Ram í sím­anum brun­andi,“ skrifar hún.

Margrét Rós segir lög­reglu ekki hafa getað brugð­ist strax við en að óskað hafi verið eftir skrif­legum ábend­ingum frá íbúum.

„Við verðum bara að fá lög­regl­una í hraða­eft­ir­lit hingað,“ segir hún.

Að hennar sögn eiga fram­kvæmd­irnar á Reykja­vegi að standa til 10. nóv­em­ber. Hún segir borg­ina jafn­framt vera að skoða hvort hægt sé að grípa til frek­ari ráð­staf­ana til að hægja á umferð.

Börn þurfa að þvera Gullteig

Fleiri íbúar lýsa mik­illi umferð og hættu­legum aðstæðum í hverf­inu. Fram hafa komið frá­sagnir af fólki sem hafi nærri orðið fyrir bílum á göngu um Teigana og af barni sem beið við gang­braut á meðan þrettán bílar óku fram hjá án þess að stöðva.

Katrín Atla­dóttir, fyrr­ver­andi borg­ar­full­trúi Sjálf­stæð­is­flokks­ins, tekur undir áhyggj­urnar og bendir sér­stak­lega á áhrif breyt­ing­anna á skóla­börn.

„Það er búinn að vera gang­braut­ar­vörður við Reykja­veg en nú er búið að færa þessa umferð á Gullteig sem mörg börn þurfa að þvera til að kom­ast í og úr skóla,“ skrifar Katrín.

Íbúar hafa jafn­framt bent á að umferð um Gullteig hafi þyngst veru­lega og bílaraðir mynd­ist við gang­braut­ina hjá skól­anum.

Kallar eftir áberandi skiltum

Rósa Birgitta Ísfeld söng­kona hefur einnig lýst áhyggjum af aðstæðum í hverf­inu. Hún bendir meðal ann­ars á að tveir ljósastaurar við fisk­búð­ina séu óvirkir og að það hafi áhrif á sýni­leika.

„Sá næstum ekki mann þegar ég tók hægri beygju þar,“ skrifar Rósa.

Hún lýsir einnig atviki þar sem öku­maður Teslu tók að hennar sögn hraða beygju inn á Gullteig.

„Mjög slæm umferð tók ein Tesla hraða beygju inn á Gullteig frá skól­anum og ég var inn í þreng­ing­unni. Þessi bíl­stjóri fatt­aði held ég ekki þreng­ing­una,“ skrifar hún.

Birkir Fjalar Við­ars­son, söngv­ari I Adapt og hlað­varps­þátta­stjórn­andi, telur að áber­andi merk­ingar gætu hjálpað til við að draga úr hraða.

„Ég sé t.d. engin sér­stök skilti til að minna þessa nýju nágranna okkar á að þeir eru komnir inn í íbúð­ar­hverfi hvar börnin ráða,“ skrifar Birkir.

Hann segir skilti geta haft meiri áhrif á suma öku­menn en umhverfið sjálft.

„Ég segi skilti af því að margir öku­menn taka meira marka á þeim en raun-umhverfi sínu, því miður.“

Íbúar kalla nú eftir auknum merk­ingum, hraða­eft­ir­liti lög­reglu og frek­ari aðgerðum borg­ar­innar meðan fram­kvæmdir standa yfir. Áherslan er ekki síst á öryggi barna sem þurfa dag­lega að fara yfir götur þar sem umferð hefur auk­ist veru­lega vegna fram­kvæmd­anna.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Prestur rifjar upp óþægi­lega reynslu úr æsku

„Þú getur treyst barninu sem þú varst. Jesús gerir það“
Innlent

„Sterkar vís­bend­ingar eru núna um að hryðju­verk­a­ríkið Ísrael hafi gert tölvu­árás á íslenska inn­viði“

Innlent

Ekið á mann á raf­hlaupa­hjóli

Innlent

Að minnsta kosti þrjár Palest­ínu­tengdar vef­síður eyði­lagðar í netárásinni á 1984

Heimur

Raun­veru­leika­stjarnan Sheila Mangubat látin 35 ára að aldri

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Talninga-Tómas verður Dómara-Tómas

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ók á 126 km hraða þar sem hámarkið er 80

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu