Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Faðir skaut eig­in­konu sína og þrjú ung börn til bana

Heimur

Hin sænska Karin hvarf áður en hún átti að sækja börnin sín

Heimur

Kærasti Heidi Gardner lát­inn, 43 ára að aldri

Þórunn Valdimarsdóttir tekur dauðanum fagnandi

„Það verður gott að þurfa ekki að vera til“

Þórunn Valdimarsdóttir
Þórunn Valdi­mars­dóttir Þórunn ótt­ast ekki dauð­ann Mynd: Golli

Sagn­fræð­ing­ur­inn og rit­höf­und­ur­inn Þórunn Valdi­mars­dóttir segir sorg­ina eftir frá­fall eig­in­manns síns hafa mótað líf sitt, hugsun og afstöðu til dauð­ans, en ekki brotið hana niður. Þetta kemur fram í við­tali við Þórunni sem birt­ist í Mannlífi á dög­unum.

Þórunn og eig­in­maður hennar, Eggert Þór Bern­harðs­son, voru saman í 34 ár. Eggert starf­aði um ára­tuga­skeið við Háskóli Íslands, fyrst sem kenn­ari í sagn­fræði og síðar sem pró­fessor í hag­nýtri menn­ing­ar­miðlun. Hann kom meðal ann­ars að stofnun þeirrar deildar með aðstoð Lands­banka Íslands fyrir hrun. Eggert var einnig afkasta­mik­ill höf­undur og skrif­aði tvær bækur í rit­röð­inni Saga Reykja­víkur, þar á meðal Undir báru­járns­boga um bragga­sög­una og Sveitin í sál­inni, sem kom út skömmu fyrir and­lát hans.

Þórunn seg­ist hafa haft áhyggjur af heilsu manns síns löngu áður en hann lést.

„Hann fitn­aði og vann allt of mikið þannig að ég ótt­að­ist um hann rúmu ári áður en hann dó. Ég gaf honum í jóla­gjöf gjafa­bréf til að fara í rann­sókn hjá Hjarta­vernd en hann lét árið líða án þess að nota það. Hann sagði í háskól­anum milli jóla og nýárs að hann ætl­aði að fara til læknis eftir ára­mótin 2013- 2014, fann þá að hann var orð­inn úrvinda.“

Á gaml­árs­dag árið 2013 fékk Eggert hjarta­á­fall heima. Þórunn og yngri sonur þeirra reyndu að hnoða hann, en Eggert lést áður en sjúkra­flutn­inga­menn komu á stað­inn. Æðar til hjart­ans reynd­ust vera kolstíflaðar.

Í kjöl­farið tók við sorg sem hún segir erfitt fyrir aðra að skilja.

„Sorgin er eðli­leg. Lífið sparkar í alla ein­hvern tím­ann á ævinni á allan mögu­legan hátt og við verðum bara öll að vera dug­leg. Maður verður bara að vera sáttur. Ég ýtti sorg­inni út í Faxaflóa. Bað hvítu hryss­urnar í fló­anum að nudda sorg­ina með hóf­unum og senda mér hana í smá­skömmtum. Þetta er sjálfs­stjórn. Ég er góð í sjálfs­stjórn þótt ég viti stundum ekki hvað ég eigi að gera. Þetta gerð­ist fyrir ell­efu árum. Það hjálpar að eiga kisur.“

Þórunn segir mik­il­vægt að þeir sem standa eftir hugi að eigin heilsu.

„Mik­il­vægt er að huga að heilsu þeirra er næstir standa eftir bestu getu. Þá verður sekt­ar­kenndin ekki eins óbæri­leg.“

Hún segir sorg­ina hafa breyst með tím­anum.

„Auðvitað var maður varn­ar­laus og við­kvæmur, ég hafði aldrei á ævinni þurft að vera ein. Eftir ell­efu ár er þetta frekar tregi og dep­urð en sorg, það væri synd gagn­vart til­ver­unni að hund­skast ekki til að finna björtu hlið­arnar á líf­inu eftir allan þennan tíma. Þar er ég oft­ast, sól­ar­megin.“

Þórunn leggur áherslu á virkni, hreyf­ingu og sköpun.

„Hef verið dug­leg að skrifa og gefa af mér, öll vinna er frá­bær. Ég vil frekar tala um ein­veru heldur en sorg. Maður hefur meiri tíma til að hugsa. Maður nýtur frelsis. Besta reglan er að sjá kost­ina í sinni stöðu. Muna að hreyfa sig.“

Hún lýsir einnig lík­ams­rækt sem hún stundar nú um stundir.

„Núna er ég á nám­skeiði með Lilju systur sem heitir Bein í baki í Kram­hús­inu. Þetta er mús­ík­leik­fimi, bönnuð yngri en 65 ára. Við lærum að finna hvern ein­asta vöðva lík­am­ans og gera þá sterka. Flest sitjum við eins og rækjur á stól og það eyði­leggur stoð­kerfi margra. Best er að sitja svona,“ segir Þórunn og sýnir hreyf­ing­una. „Sitji maður á hækjum sér, eins og allar konur gerðu oft á dag áður en kló­settin komu, þá teyg­ist hrygg­ur­inn.“

Aðspurð um dauð­ann seg­ist hún ekki ótt­ast hann

„Frelsun. Það verður gott að þurfa ekki að vera til. Ekkert vesen. Í gamla daga var lífið stutt og allir deyj­andi, þá var gott að hafa trú­ar­brögð sem sann­færðu fólk um líf eftir dauð­ann.“

Hún seg­ist taka dauðan fagn­andi.

„Ég tek honum fagn­andi.“

Um hvað taki við eftir dauð­ann segir hún:

„Það taka við örverur, bakt­er­íur og svo koma víurnar, orm­arnir. Þannig heldur lífið áfram og í afkom­endum. Trúin er samt góð og þessi draumur um að fara í ljósið, lífið má kalla ljós og það heldur áfram sínum straumi. Minn guð er til­veran. Ég varð trúuð sem barn og ég bý að því ennþá.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Að minnsta kosti þrjár Palest­ínu­tengdar vef­síður eyði­lagðar í netárásinni á 1984

Vefur Félagsins Ísland-Palestína liggur niðri eftir árásina og óvíst er hvort hægt verði að endurheimta hann.
Heimur

Raun­veru­leika­stjarnan Sheila Mangubat látin 35 ára að aldri

Fólk

Björgvin Franz fagnar eins árs sam­bands­af­mæli með kærust­unni

Heimur

Þrír féllu þegar dróni réðst á bíl við mat­ar­út­hlutun á Gaza

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Fólk

Af hverju getur lyktin af mak­anum verið svona ómót­stæði­leg?

Náttúruleg líkamslykt getur tengst nánd og góðum minningum, en segir ekki til um hvort samband muni endast.

Lyf í töflu­formi vekur vonir um hæg­ari fram­gang Alzheimers

Sáttasex leysir ekki ágrein­ing­inn

„Nið­ur­lægj­andi að smækka fólk niður í tölur“

Notalegt fjöl­skyldu­hús með nægu rými úti og inni til sölu

„Í dag eru tíu ár síðan ég varð fyrir nauðgun“