Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Fólk

Björgvin Franz fagnar eins árs sam­bands­af­mæli með kærust­unni

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Faðir skaut eig­in­konu sína og þrjú ung börn til bana

Heimur

Hin sænska Karin hvarf áður en hún átti að sækja börnin sín

Kostnaður við snjómokstur tvöfalt meiri en eftir hrun

Þegar kostn­aður borg­ar­innar vegna vetr­ar­þjón­ustu und­an­farna vetur er bor­inn saman við tíma­bilið 2008 til 2011 sést að hann er tæp­lega tvö­falt hærri síð­ustu ár en á eft­ir­hrunsár­unum. Á upp­lýs­inga­vef borg­ar­innar kemur fram að veð­ur­far ráði mestu um kostn­að­inn. Þjón­ustan er að stórum hluta boðin út.

|Snjóruðningur í Reykjavík í desember 2009.||||…
|Snjó­ruðn­ingur í Reykja­vík í des­em­ber 2009.||||…

Reykja­vík­ur­borg hafði um ára­mótin varið 270 millj­ónum króna í snjó­mokstur og hálku­varnir í vetur. Það er um 39% þess kostn­aður sem hlaust af vetr­ar­þjón­ustu síð­asta vetur. Þetta kemur fram í svari Reykja­vík­ur­borgar við fyr­ir­spurn Mannlífs. Ríflega helm­ingur kostn­að­ar­ins er til­kom­inn vegna vetr­ar­þjón­ustu við götur en fjórð­ungur vegna hreins­unar göngu- og hjóla­leiða.

Borgin hefur að með­al­tali greitt 680 millj­ónir króna fyrir vetr­ar­þjón­ustu síð­ustu fjóra vetur. Á árunum 2008 til 2011 var kostn­að­ur­inn að jafn­aði 283 millj­ónir, eða 387 millj­ónir króna á verð­lagi árs­ins 2019. Því lætur nærri að kostn­að­ur­inn hafi tvö­fald­ast.

„Við búum nú einu sinni á Íslandi“

Þegar snjór fellur í Reykja­vík eða hálka mynd­ast á götum er unnið sam­kvæmt við­bragðs­á­ætlun vetr­ar­þjón­ustu. Eft­ir­lits­maður vaktar aðstæður og kallar út mann­skap eftir þörfum. Stofn­brautir, strætó­leiðir og fjöl­farnar safn­götur njóta for­gangs en miðað er við að strætó­leiðir séu færar fyrir klukkan sjö að morgni. Hreinsun ann­arra meg­in­um­ferð­ar­gatna skal vera lokið fyrir klukkan átta að morgni.

Að sama skapi er við­miðið að göngu- og hjóla­stígar á milli borg­ar­hluta fái for­gang í hreinsun og síðan helstu göngu­leiðir að strætó­bið­stöðvum og skólum. Þær skulu vera greið­færar fyrir klukkan átta á morgn­ana virka daga. Almennir stígar eiga að klár­ast fyrir hádegi. Á vef borg­ar­innar kemur fram að 36 tímum, eða dag­inn eftir að snjór hættir að falla, sé hægt að ljúka hreinsun stíga. Tekið er fram að tíma­á­ætl­anir geti gengið úr skorðum ef það heldur áfram að snjóa. Þá þurfi að fara aftur á byrj­un­ar­reit. „Við búum nú einu sinni á Íslandi,“ segir á vef­síð­unni.

Miðað við 15 sentímetra í íbúagötum

Fram kemur líka að íbúa­götur séu ekki ruddar nema þær séu þung­færar bílum, mikil hálka hafi mynd­ast eða snjó­dýpt meiri en 15 sentí­metrar. Þær eru þó stundum ruddar ef hætta er talin á að frysti þegar snjó­hryggir hafa mynd­ast. „Snjó­hreinsun tak­markast við að gera þessar götur öku­færar og við hálku­eyð­ingu er ýmist not­aður sandur eða salt.“ Fram kemur að við snjó­hreinsun íbúagatna geti mynd­ast snjó­ruðn­ingar við inn­keyrslur. Íbúar verði sjálfir að hreinsa snjó úr inn­keyrslum.

Reykja­vík­ur­borg og Vega­gerðin ann­ast vetr­ar­þjón­ustu á 1.214 kíló­metrum af götum innan borg­ar­markanna. Hér skal tekið fram að um er að ræða svo­kall­aða „ruðn­ings­lengd“, en sama gatan hefur yfir­leitt tvær akreinar en stundum fjórar, sex eða jafn­vel átta, þegar báðar akst­ursleiðir eru teknar með í reikn­ing­inn. 371 kíló­metri er í fyrsta þjón­ustu­flokki borg­ar­innar en 165 í öðrum. Þriðji flokkur nær yfir 418 kíló­metra. Vega­gerðin ann­ast hreinsun á 249 kíló­metrum á stofn­brautum.

Hjóla­leið­irnar sem undir eru telja 811 kíló­metra. Þar af er 63 kíló­metrar í for­gangi. „Þeir sem sinna vetr­ar­þjón­ustu þurfa að leggja að baki 1.745 kíló­metra til að ná einni umferð um allar umferð­ar­götur, göngu- og hjóla­leiðir sem þjón­u­staðar eru í Reykja­vík.“

Þrír verktakar hreinsa göturnar

Í svari borg­ar­innar kemur fram að samn­ingar við verk­taka um snjó­mokstur og hálku­varnir byggi á útboði. Þessari þjón­ustu sé þó hvoru tveggja sinnt af verk­tökum og borg­inni. „Verk­takar sem ann­ast verk­efni á götum frá greitt eftir unnum kíló­metrum sem teknir eru saman með fer­il­vöktun. Í stígum er greitt fyrir lengd stíga,“ segir í svar­inu.

Þrír verk­takar ann­ast snjó­hreinsun og hálku­varnir á götum borg­ar­innar en einn verk­taki ann­ast hreinsun á stígum. Fram kemur að auk þess starfi nokkrir und­ir­verk­takar með hverfa­stöðvum og sinna lóðum og strætó­skýlum, svo eitt­hvað sé nefnt.

Mannlíf spurði meðal ann­ars hvort sam­starf væri á milli borg­ar­innar og ann­arra sveit­ar­fé­laga þegar að kaupum á þess­ari þjón­ustu kemur. Í svar­inu segir að sam­starf við önnur sveit­ar­fé­lag sé aðal­lega við Sel­tjarn­ar­nes, en borgin ann­ast vetr­ar­þjón­ustu stofn­leiða á nes­inu. Þá sé borgin í minni­háttar sam­starfi við Mos­fellsbæ varð­andi mokstur á stígum.

Eftirlitsmaður fylgist með veðri og verktökum

En hver ákveður hvenær skal mokað og hvenær útlit er fyrir að snjór­inn eða hálkan hverfi vegna hláku? Borgin segir í svari sínu að mat á þörf fyrir snjó­mokstur og hálku­varnir hverju sinni sé í höndum eft­ir­lits­manns borg­ar­innar. Sól­ar­hrings­vakt sé á færð gatna en eft­ir­lit með stígum er frá þrjú að nóttu til 17 síð­degis. Tekið er við ábend­ingum um gæði þjón­ust­unnar á vefnum reykja­vik.is/abend­ingar.

Eft­ir­lits­maður fylgist með veð­ur­horfum, vef­mynda­vélum og fer á vett­vang eftir þörfum, sam­kvæmt því sem fram kemur í svar­inu.  Verk­takar séu með fer­il­vökt­un­ar­búnað sem eft­ir­lits­maður hafi aðgang að. Það þýðir að hann getur séð hvar tækin hafa verið að moka.

„Starfs­menn Reykja­vík­ur­borgar og verk­takar á vegum borg­ar­innar eru ræstir út þegar aðstæður kalla á við­brögð og það er oftar en ekki um miðja nótt til að borgin sé klár að taka á móti þunga morg­un­um­ferð­ar­innar.“

Hér sést hvernig kostn­aður Reykja­vík­ur­borgar vegna vetr­ar­þjón­ustu hefur auk­ist á und­an­förnum áður. Veður skýrir að stóru leyti mun á milli ára en einnig þættir eins og fjölgun gatna og stíga. Vetr­ar­þjón­ustu (snjó­mokstur og hálku­varnir) er sinnt á grund­velli útboðs en eft­ir­lits­maður á vegum borg­ar­innar segir til um hvenær skal mokað eða saltað.

Fjórðungur kostnaðarins vegna stíga

Ríflega helm­ingur kostn­aðar vegna vetr­ar­þjón­ustu hjá Reykja­vík­ur­borg er til kom­inn vegna hreinsun eða hálku­varna á götum. Fjórð­ungur er til­kom­inn vegna hreinsun göngu- og/eða hjóla­stíga en 14% vegna snjó­bræðslu. Við hana hefur í auknum mæli verið not­aður salt­pæk­ill en hita­stýr­ingar eru einnig not­aðar.

Fjórð­ungur kostn­að­ar­ins vegna stíga.

Fram kemur í svari borg­ar­innar við fyr­ir­spurn Mannlífs að kostn­að­ur­inn við hreinsun gatna og stíga ráð­ist að mestu af veð­ur­fari en þó beri að hafa í huga að gatna- og stíga­kerfi hafi stækkað í áranna rás. Myndin hér að neðan byggir á raun­kostn­aði árið 2016 en fram kemur að hlut­falls­leg skipt­ing hald­ist nokkuð stöðug á milli ára.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Prestur rifjar upp óþægi­lega reynslu úr æsku

„Þú getur treyst barninu sem þú varst. Jesús gerir það“
Innlent

„Sterkar vís­bend­ingar eru núna um að hryðju­verk­a­ríkið Ísrael hafi gert tölvu­árás á íslenska inn­viði“

Innlent

Ekið á mann á raf­hlaupa­hjóli

Innlent

Að minnsta kosti þrjár Palest­ínu­tengdar vef­síður eyði­lagðar í netárásinni á 1984

Heimur

Raun­veru­leika­stjarnan Sheila Mangubat látin 35 ára að aldri

Innlent

Lög­reglan kölluð til eftir að hitn­aði í kol­unum við tölvu­leikja­spil

Sjö gist fangageymslur lögreglunnar eftir nóttina.

Talninga-Tómas verður Dómara-Tómas

Tölvu­þrjót­arnir sem réð­ust á 1984 skemmdu sjö vef­síður tengdar Palest­ínu

Ók á 126 km hraða þar sem hámarkið er 80

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Dæmdur í níu ára fang­elsi fyrir kóka­ínsmygl með Norrænu