„Íslenskir kjósendur eru aðhlátursefni út um allan heim“

„Einmitt það sem vant­aði er lögga og lög­fræð­ingur til að reka fjöl­miðlil. Úr því að eng­inn bak­ari fannst.“
Gunnar Smári Egilss­son um ráðn­ingu Stefáns Eiríks­sonar í starf útvarps­stjóra.

„Núna eru bara banka­stjórar, lög­fræð­ingar og fyrr­ver­andi for­sæt­is­ráð­herrar og lög­reglu­stjórar hæfir til að stjórna fjöl­miðlum.“
Þóru Kristínu Ásgeirs­dóttur, upp­lýs­inga­full­trúa hjá Íslenskri erfða­grein­ingu, finnst áhuga­vert að litið hafi verið fram hjá fjöl­miðla­fólk­inu sem sótti um stöð­una.

„Dagur á þarna aldeilis góðan vin, hauk í horni. Það er þetta með hlut­leysi og allt það?“
Kolbrún Bald­urs­dóttir, borg­ar­full­trúi Flokks fólks­ins, hefur áhyggjur af því að með ráðn­ingu Stefáns verði sagðar ein­tómar „engla­fréttir“ á RÚV af meiri­hlut­anum í borg­inni.

„Þetta ósam­ræmi á milli þess­ara tveggja hluta, þetta er svo him­in­hróp­andi að þetta tekur eig­in­lega engu tali.“
Páll Magn­ús­son, þing­maður Sjálf­stæð­is­flokks­ins, kveðst skilja að fólk hafi reiðst yfir því að Ólína Þor­varð­ar­dóttir hafi fengið 20 millj­ónir í bætur vegna brots Þing­valla­nefndar á jafn­rétt­islögum varð­andi ráðn­ingu í stöðu þjóð­garðsvarðar, þegar for­eldrar barns, sem lést vegna alvar­legra mis­taka á fæð­ing­ar­deild Land­spít­al­ans, fengu fimm millj­ónir í bætur.

„Þetta segir mað­ur­inn sem fyrir þremur árum fékk sjálfur 22 millj­ónir króna fyrir að hætta störfum hjá RÚV, eins og frægt varð. „Him­in­hróp­andi“ hlýtur sú upp­hæð að telj­ast svo notuð séu hans eigin orð.“
Ólína lætur Pál heyra það.

„Hversu bilað er það að maður sem er með um tvær millj­ónir í laun á mán­uði hafi meiri áhyggjur af verk­föllum en vel­ferð starfs­fólks sem heyrir beint undir hann? Hversu bilað er það að mán­að­ar­laun borg­ar­stjóra eru um sexfalt hærri en það sem fólk á lægstu launum þarf að skrimta á?“
Sanna Magda­lena Mörtu­dóttir, borg­ar­full­trúi Sós­í­alista­flokks­ins, gagn­rýnir borg­ar­stjóra vegna stöð­unnar sem upp er komin í kjara­við­ræðum borg­ar­innar við Eflingu

„Íslenskir kjós­endur eru aðhlát­ursefni út um allan heim, flykkj­ast niður á Aust­ur­völl og mót­mæla spill­ing­unni, öskra ráð­herra úr stólum sínum en skömmu síðar, kjósa þeir þá aftur, og aftur og AFTUR! Og eru svo undr­andi á því að ekk­ert skuli breyt­ast.“
Inga Sæland, for­maður Flokks fólks­ins.