Fjöldi sælkera setur á sig svuntuna og galdrar fram dýrindis kökur og kræsingar fyrir lesendur Vikunnar, í nýjasta tölublaðinu sem kemur í verslanir á morgun, fimmtudag. Margir þeirra eru Íslendingum að góðu kunnir fyrir snilli sína í eldhúsinu og má þar nefna Albert Eiríksson, Evu Laufeyju Kjaran og Nönnu Rögnvaldardóttur. Uppskriftirnar eru jafnfjölbreyttar og viðmælendur Vikunnar.
Sylvía Haukdal Brynjarsdóttir prýðir svo sjálfa forsíðuna. Sylvía fór í svokallaða magaermisaðgerð fyrir tveimur árum sem hún segir að hafi gjörbreytt lífi sínu og bætt lífsgæðin til muna. Hún er menntaður pastry chef frá matreiðsluskólanum Le Cordon Bleu í London og skreytir tertur eins og sannkallaður listamaður. Hún segist alltaf hafa haft mikinn áhuga á bakstri og fundið að það höfðaði meira til sín að vinna eitthvað með höndunum og baka heldur en að læra eitthvert bóknám.
Fyrr á árinu stofnaði hún bakaríið og verslunina Bake Me a Wish í Garðabæ ásamt vinkonu sinni þar sem þær bjóða upp á dýrindis kökur og eitt og annað sem tengist bakstri og eru staðráðnar í því að gera það að einstakri upplifun fyrir fólk að koma til þeirra. Sylvía segir að undirskriftasöfnunin 39.is sem er í gangi núna standi hjarta hennar nærri þar sem eldri bróðir hennar, Sibbi, svipti sig lífi aðeins tæplega átján ára gamall.
„Rammagerðin hefur þróast í takt við þróun skapandi greina á Íslandi og selt hönnun og handverk yfir 400 íslenskra aðila. Áherslan okkar er þar en einnig erum með mikið úrval af ullarvörum eins og teppum, peysum og fylgihlutum sem eru tilvaldar jólagjafir,“ segir Fjalar Ólafsson innkaupastjóri Rammagerðarinnar, en verslunin og fagurskreyttir gluggar hennar fyrir jólin eiga sér fasta hefð í jólaundirbúningi landsmanna.
Í Vikunni má einnig finna umfjöllun um bækur, tísku, fræga fólkið, og fleira, auk þess sem Deiglan, Lífreynslusaga Vikunnar, krossgátan, orðaleit og stjörnuspá Vikunnar eru á sínum stað
Tryggðu þér eintak í næstu verslun eða í vefverslun okkar.
Athugasemdir