Leitin að John Snorra bar ekki árangur – Aðstæður á fjallinu fara versnandi

Leit pakist­anska hers­ins í morgun skil­aði því miður engum árangri en þyrlur hers­ins náðu hæst upp í sjö þús­und metra hæð áður en þær urðu að snúa við. Ekkert hefur spurst til Johns Snorra Sig­ur­jóns­sonar og göngu­fé­laga hans í rúman sól­ar­hring. Aðstæður á fjall­inu fara versn­andi með hverri mín­útu.

Ekkert hefur heyrst frá Johns Snorra Sig­ur­jóns­syní í rúman sól­ar­hring þegar hann var í 7800 metra hæð á  K 2 að nálg­ast hæsta tind sem er í 8600 metra hæð. Stað­setn­ing­ar­tæki hans hefur ekki sent frá sér boð síðan um það leyti. Leit er að hefj­ast að John Snorra og félögum hans tveimur, þeim Juan Pablo Mohr og Ali Sadpara. Þyrla með leit­ar­menn fer upp í fjallið í dag,  eins langt og hún kemst. Félag­arnir fjórir lögðu upp í loka­á­fang­ann á tind­inn á fimmtu­dags­kvöld.  Fjórði mað­ur­inn í leið­angri þeirra snéri við þar sem súr­efn­is­tæki hans virk­aði. Þyrla var send með leit­ar­menn upp í fjallið í morgun en nú er orðið ljóst að sú leit skil­aði engum árangri. John Snorri er því enn týndur á hinu mann­skæða fjalli.

Hinn reyndi fjalla­garpur, John Snorri Sig­ur­jóns­son.

Gríð­ar­lega erf­iðar aðstæður eru á fjall­inu, sem er eitt það mann­skæð­asta í heimi. Allt að 40 stiga frost er á toppnum og vind­kæl­ing. Vonast er til að félag­arnir þrír kom­ist af í þessum hrika­legu aðstæðum. Þeir eru allir þaul­reyndir fjall­göngu­menn og í góð formi. John Snorri er einn allra fremsti fjall­göngu­maður Íslend­inga og hefur sigrað flesta af hæstu tindum heims. Hann hefur komið á K 2 að sum­ar­lagi en hugð­ist ná að verða fyrstur til að toppa fjallið að vetr­ar­lagi.

Samkvæmt upp­lýs­ingum af Facebook-síðu John Snorra er óljóst hvort hann og sam­ferða­menn hans hafi náð á tind­inn í gær en síð­ast er vitað af þeim í 8.200 metra hæð. Síðan þá hefur ekki náðst sam­band við hóp­inn í rúma 24 klukku­tíma. Þá er greint frá því að 22 fjall­göngu­menn hafi í gær­kvöldi snúið við í 8.000 metra hæð og í þeim hópi lést göngu­maður frá Búlgaríu. John Snorri og þrír aðrir tóku áhætt­una á því að halda áfram.